MAZMUR 94:20 - Alkitab Singog In Mongondow Masa In Tanaa

²⁰ Iko in diábí noyopopog in hakim mita inta moraat, inta nonombaḷoi kon inta moraat podudui in hukum.

MAZMUR 94:20 ပူးပေါင်းရင်းမြစ်များ

DATU MITA IMITÁNEA 12:32

Onda intua ki Yerobeam nonampat kon imang mita tatua kon Betel sin mopobayá in oaidan monia kon tua bo sia tontaní in noposumba in kuruban kon sapi mita buḷawan inta pinomianea tatua. Bo nonantúdon in sia kon singgai impuḷú boḻima buḷan noginwaḷu nobaḻí singgai moḷoben in Israel, notongkai ná singgai moḷoben kon Yohuda. Kon singgai tatua ki Yerobeam minayá in Betel bo noposumba in kuruban sin morame kon singgai moḷoben inta ain sinantúnea tatua.

MAZMUR 50:16

Táe ki Tuhan in noguman kon intau moraat, “Diábí in hakmu in monangoi kon hukum-Ku, bo mongonguman soaḷ dodandian-Ku.

MAZMUR 52:1

Kon i itoi in mododondong. Dondong topotundú i Daud,

MAZMUR 58:2

Ei mongongawasa mita, moadil degá pononantúmu? Nojujur degá in moiko kon dodai in nonisig kon intau?

MAZMUR 82:1

Mazmur i Asap. Ki Allah in nodia kon sidang ilahi kon soroga, bo Sia in nobogoi kon simpod in singog:

AMSAL 28:9

Aka iko bo diá motoindudui kon hukum i Allah, yo ki Allah in doíbí doman kon sambayangmu.

MOHOHUTUBA 3:16

Oyúonpa doman in inontongku kon dunia naa: kon onda in musti oyúon in koadilan bo kopiaan, yo kon tua doman oyúon in aid moraat.

MOHOHUTUBA 5:8

Modapot in kobiagan i datu noitogotbí kon bungai in boyó.

YESAYA 10:1

Moboditodon in moiko inta nogaid kon hukum mita inta diá moadil sin pondorot kon bangusa-Ku.

AMOS 6:3

Moiko in moguman kon singgai koboditoan in moonggotpa, táe oaidmu mita in tongábí mogintoyong kon koangoian in singgai koḻingáan tatua.

MIKHA 6:16

Tua komintan in mobaḻí popisí in moiko dinumudui kon aid moraat i Datu Omri bo i adínea, tuata in ki Datu Ahab. Moiko in dinumudui kon oaid monia. Tuamai in rimumudon-Ku in moiko, bo moiko in poempengon bo singkuḻeon in bayongan in bangusa.”

YOHANES 11:57

Mosia in noguman natua sin imang mita itoi bo intau mita in Parisi ain nopoḷuai in parenta kon ki ine in nokotaau kon onda in Yesus, musti mopotaau sinbá Sia in kodomokan.

YOHANES 18:28

Doḷo-doḷompa totok dinia monia in ki Yesus nongkon baḷoi i Kayapas pinobayá kon komaḻig i gubernur. Intau mita in Yahudi in diábí sinumuot kon komaḻig tatua, sinbá mosia in diá monajis podudui in agama monia, sin mosia in tumakindon mokaan kon kaanon in Paska.

YOHANES 9:22

Guyanganea in noguman natua sin moondok in mosia kon itoi mita in Yahudi; sin mosia ain noyopakat kon intau inta mongaku kon ki Yesus tua in Datu Mopoposaḷamat, diádon motaau in tumuot kon baḷoi pososambayangan.

SAMUEL 1 22:12

Guman i Saul kon i Ahimelek, “Indongogaidon, ei adí i Ahitub!” Tubagnea, “Oo, Tuang datu.”