MAZMUR 94:13 - Alkitab Singog In Mongondow Masa In Tanaa

¹³ Pinoodom-Mu in sia kon singgai mita in bodito, nodapot in kinaḻi in bubú sin podomokan kon intau moraat.

MAZMUR 94:13 ပူးပေါင်းရင်းမြစ်များ

AYUB 34:29

Aka ki Allah in monantúdon kon tongá kibio-biómai, diábí tobatúmai in intau mokobaḻí mosingog kon i-Nia. Aka mogadop in Sia, diábí tobatúmai intau in mokouḻí kon i-Nia.

MAZMUR 49:5

Akuoi in monondudutbí kon pribahasa, bo moginsilang kon mangaḻenea sindaḷan mokuti kon kecapi.

MAZMUR 55:23

Posarakaidon in inta mokoḻia-ḻiaw kon ginamu kon i Tuhan, dá Sia in moduḷu kon inimu; sin intau mojujur in diábí pomayá-Nea mako in taḷowon.

MAZMUR 9:15

sinbá akuoi in modayow kon ini-Mu kon tayowon in intau mita in Yerusalem. Akuoi in monggoḷakapbí takin pia in gina sin Iko in noposaḷamat kon inakó.

YEREMIA 18:20

Patus degá in mopia tuḻían in inta moraat? Táe mosia in nongaḻidon kon bubú sinbá moḷabú in akuoi kon bonunea. Toropdon kon akuoi noduḷudon kon i monia kon tayowon-Mu, sinbá diá in Iko tumorú kon i monia.

YEREMIA 18:22

Potabádon in mogogagow daḻí mamangoi kon baḷoi monia, dá kumarak in mosia popisí in ondok. Mosia in nongaḻidon kon bubú sinbá moḷabú in akuoi kon bonunea, bo mosia in notaandon kon potait sin podomok kon inakó.

HABAKUK 3:16

Nokodongogmai kon tua, inagían in ondok in akuoi bo bibigku in motondodaḷó. Akuoi in nobaḻí noḻemé diádon in ropot, sioḷku in noipintud, kon ondaka in bayáanku. Oḷatonkubí takin gina moodom in hukuman i Allah kon mononubu.

IBRANI 4:9

Manangka intua, kon umat i Allah oyúonpabí in dandi pogogogaian ná ki Allah inta nogogai doman kon singgai impitunea.

PETRUS 2 2:9

Dá kotaauanbí i Tuhan in moposaḷamat kon intau mita inta dinumudui kon ibog-Nea aka mosia koantugan in sobaan mita. Bo kotaauanbí doman i Tuhan in motagú kon intau mita inta moraat sin sikisaan kon Singgai Ponantúan,

WAHYU 11:18

Intau mita inta diá nonotaau kon i Tuhan, sinumorúdon sin aindon wakutunea Iko mopoḷuai in torú-Mu, bo aindon doman wakutunea Iko monantú kon intau mita minatoi. Naadon doman i wakutunea mobogoi kon boḻi in pinogaidan in intau mita inta nogaid kon oaidan i Allah, bo in nabi mita, bo kon bayongan in umat, tuata in mosia inta noibada kon ini-Mu, adí ande itoi. Naadon i wakutunea morimumud kon intau mita inta nomoguyaat kon dunia naa!”

WAHYU 14:13

Bo akuoi in bui nokodongog kon singog nongkon soroga noguman, “Paisdon in naa: Mulaidon tanaa mako, koḷungangadon in intau mita minatoi inta minatoi kon dodai in yogotpa nogaid kon oaidan i Tuhan!” “Totuu intua!” tubag in Roho i Allah. “Mosia in mogogai bidon mogaid kon oaidan monia, lantaran boḻi in pinogaidan monia umuran kotaki-takin monia.”