MAZMUR 93:2 - Alkitab Singog In Mongondow Masa In Tanaa

² Pomomarentaan-Mu in noroton nongkon pinomangkoianmai, nongkon kinononoian oyúon in Iko.

MAZMUR 93:2 ပူးပေါင်းရင်းမြစ်များ

MAZMUR 145:13

Pomarentaan-Mu in umuranbí mononoi, kawasa-Mu in mononoi modapot in adí bo ompu. Ki Tuhan in mosatiabí kon bayongan in dandi-Nea, Sia in nopuḻingbí in tabi kon bayongan in aid-Nea.

MAZMUR 45:6

Piotmu inta moḷanit moiḷambai kon putú in musungmu, bangusa mita in moḷabú kon tayowon in sioḷmu.

MAZMUR 55:20

Ki Allah inta nomarenta nongkon pinomangkoian in mongindongogbí kon inakó bo monaḷow kon i monia. Sin mosia in doíbí tumobat, bo diá moondok kon i Allah.

MAZMUR 90:2

Kon dodai in buḷud mita diápa binaḻí, kon dodai in butá bo dunia naa diápa pinomia-Mu, Ikobí in ki Allah inta mononoi, diábí in pinomangkoian bo diábí in imbuitnea.

DANIEL 4:34

Naonda in pitu notaong inta sinantú tatua noitaḻibdon, iḷumangag in akuoi kon ḷangit, bo nosadardon bui in ginaku. Dá dinayowku in ki Allah Inta Totok in moḷantud. Inuntu bo pinomuliaku in Sia inta nobiag mononoi tua. “Ki Allah in mobaḻí datu modapot in mononoi. Sia in nongawasa modapot in kopaḷutannea.

DANIEL 7:9

Koyogotpa in akuoi nonaridipa mako, tongonumai in tampat pomomarentaan koyogot in inukat. Bo Sia inta mononoi iḻimitú kon tudu in tobatú tampat pomomarentaan mita tatua. Pakeang-Nea bo buok-Nea in nobudó nodarit naonda bo kapot. Tampat pomomarentaan-Nea takin rodanea mita in nodoko-dokot popisí tuḷú iḷumekep,

MIKHA 5:2

Dá, ki Tuhan in mopomayádon in umat-Nea kawasaan in musung mita monia modapot in bobay inta ain sinantú mobaḻí ki iná in mongongawasa tatua mopononggadídon kon i-Nia. Mopaḷut mako kon tua intau mita tongobangusanea inta kon pinoḷumbúan in potobatúondon bui in bangusa monia.

IBRANI 13:8

Ki Yesus Kristus in diábí mobaḷu-baḷui, koḻipod, masai naa bo modapotkabí in kopaḷutannea.

WAHYU 1:11

Singog tatua in noguman, “Paisdon onu inontongmu, bo atodon in buk tatua kon pitu nojamaat: Jamaat mita kon Epesus, kon Smirna, kon Pergamus, kon Tiatira, kon Sardis, kon Piladelpia bo kon Laodikia.”

WAHYU 1:8

“Akuoibí naa inta muna-munamai totok bo inta totok in pangabisan,” tua in singog i Tuhan Allah, ki Inta oyúon bo inta koyongandon oyúon, inta umuran oyúon bo Inta Totok Mokawasa.

WAHYU 2:8

“Paisdon kon malaekat inta kon Smirna, nanaa: Nanaa in koyow nongkon i-Nia inta muna-munamai bo inta pangabisan – inta ain minatoi bo inta nobiag bui.