MAZMUR 92:9 - Alkitab Singog In Mongondow Masa In Tanaa

⁹ sin Iko, Tuhan, in mongawasa modapot in mononoi.

MAZMUR 92:9 ပူးပေါင်းရင်းမြစ်များ

MAZMUR 1:4

Noyoḻiu kon tua in intau moraat: sia in naonda bo baḻeká inta inirup pinorarit in tompot.

MAZMUR 102:13

Táe Iko, o Tuhan, Datu inta mononoi, táe umuran sinorop dapot in adí bo ompu monag.

MAZMUR 102:25

Bo akuoi in noguman, “O Allah dikapa gamáan in nyawaku kon kinotombotakan in kobiaganku.” Tuhan, Iko in mobiag mononoi,

MAZMUR 37:20

Táe intau moraat in moyopúbí, musung i Tuhan in moinggamábí naonda bo bungang kon rawang, mosia in mobuḻibí kon bonu in poyok.

MAZMUR 59:11

Popisí in kopopia-Nea ki Allahku in namangoi kon inakó, Pinomayá-Nea mako in akuoi nokoontong kon musungku sinaḷow.

MAZMUR 68:30

Datu mita in nodia kon sosumba kon ini-Mu kon Baḷoi-Mu kon Yerusalem.

MAZMUR 73:27

Intau inta monaḷámai kon ini-Mu in moboditobí, Iyopú-Mu in intau inta diá motoḷutui kon ini-Mu.

MAZMUR 89:10

Iko in nongawasa kon dagat inta mondoḷodokmai, bo nopooyong kon bokoḷnea inta motoyang.

MAZMUR 97:9

Sin Iko, o Tuhan, mongongawasa in sinangkub in butá; Iko in moḷantud noiḻiu kon bayongan in dewa.

YESAYA 17:13

Mosia in mamangoi naonda bo ḷunud inta motoyang totok. Táe ki Allah in nogogondok kon i monia, bo mosia in noḷagui iyumayú. Mosia in inaḷowan naonda bo baḻeká kon obaga in buḷud pinoḷayug in tompot, andeka ḷobud inirup in deḷang.

YEHEZKIEL 5:12

Tongosilai in intaumu in matoibí popisí in yampoi in takit bo malarat in gogoy inta moiuma kon kotá. Tongosilai doman in tota-totadon in kedang kon ḷuai in kotá, bo tongosilai doman in porariton-Ku kon bayongan in tampat bo batukon-Ku in kedang.

IMAMAT 26:33

Popoangoi-Ku in parang kon butá monimu bo poyayiton-Kudon in moiko kon butá in intau. Gobá mita monimu moibiardon mako, bo kotámu mita pomayádon mako in mogoguyaat.

PINOGIAPAN 10:35

Pomuḷoi in Poti Dodandian tatua diaan, ki Musa moguman, “Sindogdon, o Tuhan, poyayitdon in musung-Mu dapot in intau mita inta doí kon inimu moḷagui.”

MATIUS 7:23

Kon dodai intua, Akuoi in moguman taran-tarangan kon i monia, ‘Diábí kinotaauan-Ku in moiko! Bayádon pokoyayú kon i-Nakó, sin moiko komintan in intau inta nogaid kon inta moraat!’ ”

LUKAS 19:27

Bo tanaa mako in tokodiadon mangoi in intau mita inta mongosakí in gina kon i nakó bo inta doí aka akuoi in mobaḻí datu kon i monia. Ḻimod in mosia kon tayowonku!’ ”

LUKAS 21:24

Oyúon in ḻimodon, oyúon doman in diaan saḷaku intau inta dinakop bo pobayá in ḻipu-ḻipúannea; bo intau inta diá mopirisaya momoguyaat kon Yerusalem modapot mopaḷut in wakutu inta sinantú i Tuhan kon i monia.”

ULANGAN 28:64

Ki Tuhan in moporangkapbí kon i monimu kon sigad in bangusa mita kon bayongan dunia naa. Kon tua moiko in mosumba kon ilah mita inta pinomia nongkon kayu bo batu, ilah mita inta diá kinotaauan monimu bo diá doman kinotaauan in mogoguyangmu.

HAKIM MITA 5:31

Poigumon mako in musung-Mu mita, o Tuhan, matoi ná ki Sisera, táe bayongan in yobayat-Mu in monindar naonda bo mata in singgai kon ḷangit! Nopaḷut mako kon tua, nobiagdon notompia in butá tatua opat nopuḷú notaong in koonggotnea.