MAZMUR 92:11 - Alkitab Singog In Mongondow Masa In Tanaa

¹¹ Binaḻí-Mu in akuoi noropot naonda bo bantong ḻindong, bo nomarakat kon inakó in kobiagan motompia.

MAZMUR 92:11 ပူးပေါင်းရင်းမြစ်များ

MAZMUR 112:8

Sia in diábí moḻia-ḻiaw in gina andeka moondok, sin noyakin kon musungnea in taḷowonbí.

MAZMUR 112:9

Sia in mosila-silaibí mako kon kapunyaannea, bo mobogoi in oogoi kon intau nobogá; sia in umuranbí mogaid kon inta mopia, tuamai in sia nongawasa bo ihoromat.

MAZMUR 23:5

Iko in nogoḷud kon pongaananku, kon tayowon in musungku. Iko in notomu kon inakó naonda bo mokokiangoi inta ihoromat. Iko in nobogoi kon inakó in oinumon mobayong totok inta mopia.

MAZMUR 37:34

Pongamangdon kon i Tuhan bo duduiaidon in parenta-Nea, dá duíon-Neabí in iko sin mogabat kon butá tatua; iko in mokoontongbí kon poyopúan in intau moraat.

MAZMUR 54:7

Sia in mohukumbí kon musungku pongin aid moraat monia tontaní, bo moyompat kon i monia sin Sia in mosatia kon inakó.

MAZMUR 59:10

Ikobí in pangkoi in ropotku, akuoi in mongamang mako kon ini-Mu, Iko in tampat poḷoḷaguianku, o Allah.

MAZMUR 91:8

Aka iko mobobui magí-mako kon ḻibumumai, yo koontonganmubí in intau moraat kotugatan in tontuḻínea.