MAZMUR 91:16 - Alkitab Singog In Mongondow Masa In Tanaa

¹⁶ Sia in pooropon-Kubí in umur moḷanggó, bo posaḷamaton-Ku.”

MAZMUR 91:16 ပူးပေါင်းရင်းမြစ်များ

AYUB 5:26

Naonda bo gandum inta noḷutú, iratab kon wakutunea, iko in mobiagbí doman mopia modapot in mogoguyang.

MAZMUR 16:11

Sinundú-Mu kon inakó in daḷan kobiagan; kon ini-Mu akuoi mokouḻí kon pia in gina inta diá in poḻiuan bo pia in gina modapot in mononoi.

MAZMUR 21:4

Iko in namangoi kon inia kodia-dia in barakat inta mobarong totok, bo nopoḷutud in mahkota buḷawan kon uḷunea.

MAZMUR 50:23

Intau inta moposumba in sukur mobaḻí kurubannea, siabí tua inta mohoromat kon i-Nakó; bo kon intau inta nosadia kon daḷan in poontong-Kubí in kasaḷamatan nongkon i-Nakó.”

AMSAL 10:27

Horomatbí in ki Tuhan, dá moonggot in kobiaganmu; intau moraat matoi deemanpa wakutunea.

AMSAL 22:4

Intau inta mopirisaya kon i Tuhan bo tumonsiup, in mosanang, mobiag motompia bo horomaton.

AMSAL 3:16

Hikmat mobogoi kon inimu in umur moḷanggó, kaoyúonan bo kahoromatan.

AMSAL 3:2

sinbá moumur bo motompia in kobobiagmu.

YESAYA 45:17

Táe Israel in pinosaḷamat i Tuhan; kasaḷamatannea in motantúbí. Moiko in diábí pokopooyáanmai bo singkuḻeon modapot in mononoi.’ ”

LUKAS 2:30

Sin mataku tontaní inta ain nokoontong kon mopoposaḷamat inta nongkon ini-Mu.

LUKAS 3:6

Sinbá komintan intau mokoontong kon i Allah moposaḷamat kon bayongan intau!’ ”

ULANGAN 6:2

Moiko bo buímu musti umuran mohoromat kon i Tuhan Allahmu bo dumudui kon bayongan hukum-Nea inta pinotaauku kon inimu, sinbá moumur in kobiagan monimu kon butá tatua.