MAZMUR 91:14 - Alkitab Singog In Mongondow Masa In Tanaa

¹⁴ Guman i Tuhan, “Intau inta moibog kon i-Nakó in posaḷamaton-Kubí, inta mopirisaya kon i-Nakó in ḷukadan-Kubí.

MAZMUR 91:14 ပူးပေါင်းရင်းမြစ်များ

TAWARIKH 1 29:3

Bo popisí in tabiku kon Baḷoi Allahku tatua dá nobogoi domandon in akuoi kon saḷaka bo buḷawan nongkon kapunyaanku tontaní:

EZRA 8:31

Kon singgai impuḷú bo doyowánea buḷan imitánea, kami in nonaḷámai kon Ongkag in Ahawa bo minayá in Yerusalem. Kon binayáan tatua kami in iḷukadan i Allah nami nongkon musung mita inta monubu bo moḷamboi.

MAZMUR 59:1

Kon i itoi in mododondong. Podudui in dondong: Dika moyopú. Mazmur i Daud, kon tungkuḷ in ki Saul nopotabá kon intau noḷukad kon baḷoinea sin moḻimod kon inia.

MAZMUR 9:10

Ki Tuhan tua in pogogadopan in intau inta dinorot, tampat pononiungan kon dodai in mororiga.

MAZMUR 9:11

Intau inta nonotaau kon ini-Mu mogoḷat mako kon ini-Mu, o Tuhan, intau inta mosumba kon ini-Mu diábí taḷaan-Mu.

MAZMUR 91:9

Sin ki Tuhan in binaḻímu mododuḷumu, ki Inta Totok in moḷantud binaḻímu mogogoḻingoimu.

YESAYA 33:16

Dá moiko in kosiunganbí takin moaman, naonda bo kon bonu in poḷoḷukadan inta moropot. Kaanon bo inumon in sadiaanbí kon inimu.

YEREMIA 39:17

Táe Akuoi, ki Tuhan, in moḷukadbí kon inimu. Iko in diábí ogoi kon intau mita inta kinoondokmu.

YOHANES 14:23

Ki Yesus in notubag: “Intau inta motabi kon i-Nakó, dumuduibí kon totundú-Ku. Bo ki Amá-Ku in motabibí kon inia. Ki Amá bo Akuoi in mamangoibí kon inia bo mogutun moyotakinnea.

YOHANES 16:27

sin ki Amá in motabibí kon i monimu. Sia in motabibí kon i monimu sin moiko in motabi kon i-Nakó, bo mopirisaya kon Akuoi in namangoi nongkon i Allah.

YOHANES 17:3

Nanaa in kobiagan mononoi tua; ibogon tua bayongan intau in monotaau kon i Amá inta tongábí Sia tua in ki Allah inta mobanar, bo monotaau doman kon i Yesus Kristus inta pinotabá i Amá.

SURAT I PAULUS KON JAMAAT RUM 8:28

Kinotaauanbí naton kon ki Allahbí in nonoinut kon bayongan yagi-yagi, sahingga in mokopoangoi kon onu inta mopia kon intau mita inta motabi kon i-Nia bo inta inoiní-Nea podudui in tomayá-Nea.

GALATIA 4:9

Tongá masa in tanaa, moiko aindon nopirisaya kon i Allah, ande singogon mako mopoḷok, ki Allah ain nonotaau kon i monimu. Táe nongonu sin moiko in buipabí mosumba kon dimukud mita inta moraat tatua?

YAKOBUS 1:12

Kosanangdon in intau inta motaba wakutu in kinoantugan in sobaan. Sin aka sia bo mokotahangdon kon sobaan tatua, yo tarimaanneabí in bungainea. Bungainea tua in kobiagan inta ain pinodandi i Allah kon intau inta motabi kon i-Nia.

YAKOBUS 2:5

Toropdon, Utatku mita inta kinotabiku! Intau inta nobiag nobogá kon dunia naa, piniḻí i Allah mobaḻí intau inta mooyúon kon bonu in pirisaya. Intau mita tatua in mobaḻíbí anggota in umat i Allah ná inta pinodandi i Allah kon intau mita inta kinotabi-Nea.