MAZMUR 9:19 - Alkitab Singog In Mongondow Masa In Tanaa

¹⁹ Diábí modapot in mononoi intau bogá in ḻiongon; diábí modapot in mononoi intau mororiga kobuḻian in kamang.

MAZMUR 9:19 ပူးပေါင်းရင်းမြစ်များ

KINOBAḺIAN 32:28

Intau tatua in noguman, “Tangoimu in deeman bidon ki Yakub. Iko noridomokdon takin i Allah bo takin intau, bo iko in nokountung; tuamai tangoimu in ki Israel bidon.”

TAWARIKH 2 14:11

Bo ki Asa in nosambayang kon i Tuhan Allahnea, “Tuhan, tongábí Iko in mokobantung kon inta moyangkó monayow kon inta moropot. Tuḷungaipa in kami in tanaa, o Tuhan Allah nami! Tongábí iko in andoḷan nami bo podoyon kon tangoi-Mu kami in ḷumuai moparang monayow kon tontara inta mobarong totok naa. Tuhan, Ikobí in ki Allah nami. Dikabí pomayá mako Iko taḷowon in intau tobatú.”

MAZMUR 10:12

Sindogdon, Tuhan, hukumdon in intau moraat! Toropdon in intau inta iroriga!

MAZMUR 149:7

sin motuḻí kon bangusa mita, bo mohukum kon suku mita in bangusa;

MAZMUR 3:7

Diábí in akuoi moondok kon ribuan in musung inta mongopung kon inakó nongkon bayongan tampat.

MAZMUR 44:23

Popisí in dinumudui kon ini-Mu dá kami in umuranbí gogondokon in popatoi, bo pinomia naonda bo domba inta rorataan.

MAZMUR 44:26

Kami in noḷabú bo norimumud kon butá, noiboḻingkayang kon ḷobud popisí in kotaḷá.

MAZMUR 7:6

yo pomayádon mako in akuoi inaḷowan bo dinomok in musung, poḷat iḻimod bo sinaḷáan mako natua kon butá.

MAZMUR 79:6

Pobutakdon in torú-Mu kon bangusa mita inta diá nonotaau kon ini-Mu, bo kon dodatuan mita inta diá noibada kon ini-Mu.

MAZMUR 80:2

O Gombala in Israel, indongogaipa kaasí, Iko in nodia kon buí i Yusup saḷaku paanan. Iko in iḻimitú kon tudu in kerub, angoidon takin bayag

YESAYA 51:9

Sindogdon o Tuhan, tuḷungaidon in kami, posaḷamatdon in kami in kawasa-Mu. Sindogdon ná kon tungkuḷ intua kon tungkuḷ in iko nomutuk kon i Rahab bo nonumbuk kon naga in dagat tatua nodapot in minatoi.

YEREMIA 10:25

Popotugatdon in torú-Mu kon bangusa mita inta diá mopirisaya kon ini-Mu bo inta doí mosumba kon ini-Mu. Sin mosia in noyopúdon kon umat-Mu komintan bo norimumud kon ḻipú nami.

YOËL 3:12

Ki Tuhan in noguman bui, “Bangusa mita in mustibí mosadia bo mayá in Ḷopá in Pohakiman. Kon tua Akuoi ki Tuhan in monisig kon bangusa mita inta noyodiugmai in umat-Ku.

ZEPANYA 3:8

Táe pokoingat! Oḷatdon in singgainea simindog in Akuoi saḷaku intau inta mopongadu. Sin sinantú-kudon kon modondon kon bangusa mita bo dodatuan mita sin mopoḷabú in torú-Ku kon i monia. Bayongan in butá in modaitbí kaanon in tuḷú torú-Ku.

ZAKHARIA 14:18

Bo aka intau in Mesir doí morame kon Singgai moḷoben Ḷuḷung Daun, dá mosia in kotugatan doman in takit inta popoangoi i Tuhan kon bayongan in bangusa inta doí mayá moibada.

WAHYU 19:15

Nongkon bibig-Nea tua iḷumuai in tobatú pitow inta moḷanit bo inta pakéon-Nea monaḷow kon bangusa mita. Sia in nomarenta kon i monia takin tungkud uatoi. Sia in momugut kon anggur kon bonu in tampat pomomugutan kon anggur torú i Allah Inta Totok in Mokawasa.

SAMUEL 1 2:9

Intau inta mosatia in umuran moaman kon bonu in kawasa i Tuhan. Táe intau inta moraat in morimumud matoi kon bonu in sindip bo kintui totok. Ropot tontaní diá motaau in pongata, ropot in intau diá mokoogoi kon kauntungan.