MAZMUR 9:17 - Alkitab Singog In Mongondow Masa In Tanaa

¹⁷ Ki Tuhan in nokipogontongdon tontaní popisí in singog inta sinantú-Nea in moadil. Intau moraat noiḷosok kon aidnea tontaní.

MAZMUR 9:17 ပူးပေါင်းရင်းမြစ်များ

AYUB 8:13

Natuata in intau inta diá kotuhan. Sia in nokoḻiong kon i Allah, dá nobuḻidon in kamang.

MAZMUR 106:13

Táe ḷagibí kinoḻiongan monia in aid i Tuhan bo mogaid takin diádon mopoigum in tonggina-Nea.

MAZMUR 44:17

sin mokodongog kon rebeg bo singkuḻe nongkon bibig mita in musung bo mototagú kon gina.

MAZMUR 44:20

Táe sinaḷáan-Mu in kami kon bonu in sindip; diádon mokopongonu in kami kon yua-yuak in mahaḷuk moraat.

MAZMUR 49:14

Natuata in ukur in intau inta mopongata in awaknea, bo singgai moiduduimai in intau inta moorop in tosingogonnea.

MAZMUR 50:22

Tondudutka, moiko inta nokoḻiong kon i Allah; ḷukadai bá diá dapot in yopúon-Ku in moiko, bo diábí in moposaḷamat.

AMSAL 14:32

Intau moraat moyopú popisí in aidnea moraat, intau mopia ḷukadan in aidnea inta motuḻid.

AMSAL 5:22

Dosa in intau moraat in naonda bo poyogaḷap inta modomok kon intau tatua.

YESAYA 3:11

Táe moboditodon in intau moraat! Mosia in pomiaanbí ná pinogogaid monia kon intau ibanea.

YESAYA 5:14

Dunia in intau minatoi nobukádon noḷoben sin moḻiom kon intau mita inta noiuna kon Yerusalem takin rayat inta nononbobutungan noyotakin.

YEREMIA 13:25

Tuata in ukurmu inta ain sinantú-Ku popisí in moiko ain nokoḻiong kon i-Nakó, bo nopirisayadon kon ilah mita diá totuu.

YEREMIA 18:15

Táe umat-Ku in noḻiongdon kon i-Nakó, bo notubá kon dupa sin posumba kon berhala. Mosia in noipintud kon daḷan dungkuḷmai inta musti bayáan monia, bo sinumabat kon daḷan inta diápa sinondodai.

YEREMIA 2:32

Oyúon degá in mongodeaga inta mokoḻiong kon ḷambánea, andeka nonikaan bobay inta mokoḻiong kon ḷambung nonikaannea? Táe moiko in noonggotdon totok in nokoḻiong kon i-Nakó – nongkon tungkuḷpabí inta diádon koiapan in koonggotnea.

YEREMIA 3:21

Kon tudu in buḷud mita kinodongogan in dowawá; tua in singog in umat in Israel inta nongombaḷ bo noigum totok, popisí in mosia ain binaradosa, bo nokoḻiongdon kon i Tuhan Allah monia.

YEHEZKIEL 22:16

Iko in singkuḻeonbí in bangusa mita ibanea, dá kotaauanmudon kon Akuoibí in ki Tuhan.”

HOSEA 2:13

Akuoi in mohukumbí kon inia popisí in singgai mita inta pinakénea motubá kon kamania kon i Baal, bo mopotaingkat pongin ḷambánea sin momatuk kon intau mita inta kinoibognea, bodongka moḻiong kon i-Nakó totu-totuu. Akuoi, ki Tuhan ain nosingog.”

WAHYU 20:15

Intau mita inta tangoi monia diá pinais kon bonu in Buk Intau Nobiag, pogambat kon bonu in dagat tuḷu.

WAHYU 21:8

Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”