MAZMUR 9:14 - Alkitab Singog In Mongondow Masa In Tanaa

¹⁴ Indoiaidon kaasí, musung mopororiga kon inakó; kotabipa kaasí in akuoi o Tuhan, popoḷaguipa in akuoi nongkon popatoi,

MAZMUR 9:14 ပူးပေါင်းရင်းမြစ်များ

MAZMUR 106:2

Ki ine in motaau mopohaba-habar mako in kototorindog i Tuhan, bo mobogoi in dodayow inta patus kon i-Nia?

MAZMUR 13:5

Dika pomayá mako in musungku in moguman kon mosia in nonaḷowdon kon inakó. Dikabí pomayá mako in akuoi goḷokapan monia.

MAZMUR 20:5

Igumon mako ogoi-Nea in bayongan inta kinoibogmu, bo mopomia sinbá bayongan in tomayámu kodapotan.

MAZMUR 21:1

Kon i itoi in mododondong. Mazmur i Daud.

MAZMUR 22:22

Akuoi in diádon mokopongonu, poḷuatdon in akuoi nongkon tungoi in bantong bo nongkon tunggi in singa.

MAZMUR 22:25

Sin diábí pinoompá-Neamai in intau inta dinorot, bo diábí nopokooyámai kon roriganea. Sia in diábí nonoḻikud kon intau tatua, táe noibogbí nokidongog aka sia mopoigum in totuḷung kon i-Nia.

MAZMUR 35:18

Dá akuoi in mopoyaputbí in sukur kon ini-Mu kon yua-yuak in umat-Mu, bo modayow kon tangoi-Mu kon bonu in poyodungkuḷan monia.

MAZMUR 35:9

Dá moḷunganga in ginaku popisí in ki Tuhan, mopia in ginaku sin Sia in noposaḷamat kon inakó.

MAZMUR 42:4

Singgai doḷom mongombaḷ in akuoi, dongkadon ḷuá in mobaḻí kokaanonku. Kinoouput in singgai musungku in moḻibó, “Kon onda in ki Allahmu?”

MAZMUR 51:12

Baḻídon in ginaku naa modarit, o Allah, toimbagudon in ginaku takin ibog inta moroton.

MAZMUR 51:15

Dá tundúonku in parenta-Mu kon intau baradosa, sinbá mobuidon mangoi in mosia kon ini-Mu.

MAZMUR 6:3

Kotabipa kaasí in akuoi o Tuhan, sin nodaitdon in ropotku, iyotonaidon in akuoi sin mororigadon totok in akuoi.

MAZMUR 75:9

Torú i Tuhan naonda bo piala kon ḻima-Nea, piala tatua in binonuan in tubig in anggur inta mokoḷoḷangu. Ki Allah in nopobutak in bonunea, bayongan in intau moraat kon dunia musti monginum dapot in modait.

MAZMUR 79:13

Dá kami umat-Mu, domba inta iḷukadan-Mu, in mopoyaput in sukur kon ini-Mu modapot in mononoi, bo modayow kon ini-Mu modapot in adí bo ompu.

IḶUAIAN 3:7

Bo ki Tuhan noguman, “Inontong-Kudon in roriga in umat-Ku kon Mesir, bo dinongog-Ku domandon in mosia mopoigum sin poḷúat nongkon pinononggataan kon i monia. Ain bidon kinotaauan-Ku in roriga monia.

IḶUAIAN 3:9

Amui in bangusa Israel dinongog-Kudon, bo inontong-Ku doman naonda in pinononggata in bangusa Mesir kon i monia.

YESAYA 12:3

Naonda bo tubig motumping mokoguḻí kon rogang in intau, natuata in moiko in moposanang kon gina, popisí in pinosaḷamat i Allah.”

YESAYA 37:22

ki Tuhan in noguman, “Kotá in Yerusalem kinumosing bo noningkuḻe kon inimu, Sanherib!

YESAYA 62:11

Ki Tuhan in nobogoi in koyow tanaa kon sinangkub in dunia, “Poguman kon intau inta nogutun kon Sion, ‘Indoiai, ki Tuhan Mopoposaḷamat namangoi! Sia in sinakinan in intau mita inta ain pinoḷuat-Nea.’ ”

MIKHA 4:13

Ki Tuhan in noguman, “Ei intau in Yerusalem, bayádon bo ritakaidon in musungmu mita! Baḻíon-Kubí moropot in moiko naonda bo sapi inta tungoinea uatoi bo konukunea in bitú. Moiko in morimumudbí kon mobayong in bangusa, bo kaoyúonan inta nouḻí monia kon pinogagowan in posumbabí monimu kon i-Nakó, ki Tuhan in dunia naa.”

HABAKUK 3:18

ginaku in umuranbí moḷunganga, sin Iko in ki Tuhan mopoposaḷamatku.

LUKAS 1:47

bo mopia totok in ginaku sin ki Allah in mopoposaḷamatku.

SAMUEL 1 2:1

Bo nosambayang in ki Hana, kainia, “Ki Tuhan in nopoḷungangadon kon ginaku; oaidan-Nea in nokosanangdon kon ginaku. Takin pia in gina singkuḻeonku in musungku, sin totu-totuudon kon ki Allah in notuḷungdon kon inakó.