MAZMUR 89:8 - Alkitab Singog In Mongondow Masa In Tanaa

⁸ Iko in ihoromat kon yua-yuak in inta motusi mita, kinoondok noiḻiu kon bayongan inta kon ḻibu-Mu mita.

MAZMUR 89:8 ပူးပေါင်းရင်းမြစ်များ

NEHEMIA 1:5

“Oo Tuhan Allah inta nongawasa kon soroga. Iko in Allah Inta Moḷoben bo kami in tumayow kon ini-Mu takin moondok totok. Iko in tantúbí mosatia bo nokadai kon dandi-Mu kon intau mita inta motabi kon ini-Mu bo motoindudui kon parenta-Mu.

AYUB 37:22

Sindar mopodara-darag nomuká nongkon utuan, bo kamuliaan i Allah mokoherang kon gina naton.

AYUB 9:19

Degá musti in akuoi moropatoi takin-Nea? Táe indoian, totuu motoyang in ropot-Nea! Aka kuma bo pongaduku in Sia, ki ine in kobaḻí mogoiní kon i-Nia mayá in pongadilan?

MAZMUR 147:5

Totuubí kon moḷoben bo motoyang in ki Tuhan naton, kobobijaksana-Nea in diábí in imbuitnea.

MAZMUR 24:8

Ki ine in ki Datu inta momulia? Siata in ki Tuhan inta motorindog; ki Tuhan inta nopuḻing in kawasa, inta nountung kon pinoparangan.

MAZMUR 35:10

Takin ḻimbatú in gina akuoi in moguman, “Tuhan, diábí in motaau popotongkaian kon ini-Mu! Iko in nopoḷuat kon inta moyangkó nongkon i inta moropot, inta nobogá bo nororiga nongkon i inta nondorot kon inia.”

MAZMUR 71:19

O Allah, kooadil-Mu ná koḷantud in ḷangit; moḷobenbí in oaidan-Mu mita: ki inebí in mokotongkai kon ini-Mu?

MAZMUR 84:12

Sin ki Tuhan Allah in moḷoḷukad naton bo datu inta moḷantud, inta noponotabi kon inaton in tabi bo kahoromatan. Sia in diábí kon dodai in onda in nondoí kon onuka in mopia kon intau inta kobobiagnea diá in bogit.

MAZMUR 89:13

Ikobí in nomaḻí kon utuan bo toḷatan, Buḷud in Tabor bo Hermon moronggiow kon ini-Mu.

MAZMUR 89:6

Mogogutun mita kon soroga modayow kon aid-Mu mita inta mokoherang, bo mopodondong in kososatia-Mu, Tuhan.

YESAYA 28:22

Dinongog-Kudon in singog inta sinantú i Allah Inta Totok in moḷantud bo Inta Totok in mokawasa sin moyopú kon sinangkub in butá. Dika momayow kon tosingogon mita tompoingat inta pinoguman-Ku tanaa. Sin mokodugang kon rorigamu in moposaḷamat in awak!

YEREMIA 32:17

“Tuhan Inta Totok in momulia, Ikobí inta nomaḻí kon ḷangit bo butá pinongin kawasa bo ropot-Mu inta moḷoben. Diábí in tobatúmai in mororiga aidan-Mu.

MATIUS 6:13

Donaaidon pomayá mako in kami kobuḻian in pirisaya kon dodai in kami koantugan in totungkuḷ, táe pilataidon in kami nongkon kawasa i inta Moraat! [Sin Ikobí in Datu inta mokawasa bo momulia dapot in mononoi. Amin.]’

ULANGAN 32:31

Musung in Israel nonotaau kon pogogadopan monia diábí ná ki Allah inta mogogoḻiung in Israel.

ULANGAN 7:21

Dá dikabí moondok kon bangusa mita tatua. Ki Tuhan Allahmu in moḷukadbí kon i monimu. Sia in ki Allahbí inta moḷoben bo motoyang.

YOSUA 22:22

“Inta Totok in Mokawasa tuata in ki Tuhan! Inta Totok in Mokawasa tuata in ki Tuhan! Kinotaauan-Neabí kon nongonubí sin kami in nomiabí kon natua, bo ibogon nami sinbá kotaauan doman monimu mongo nongonu sin pinomiabí nami in natua! Aka kuma bo pinomia nami intua sin moḷawang kon i Tuhan andeka kami in diádon mopirisaya kon i-Nia, dá pobiódon mako in kami matoi tanaa doman mako!

SAMUEL 1 15:19

Nongonu sin ki Tuang Datu in diábí dinumudui kon parenta i Tuhan? Nongonu sin ki Tuang Datu in noyotakinbí nogamá kon barang mita inta inagow, aid i Tuang Datu tatua in nokopomuká kon yaat in gina i Tuhan?”

SAMUEL 1 2:2

Diábí inta motusi ná ki Tuhan! Tongábí Sia in pononiungan.