MAZMUR 89:7 - Alkitab Singog In Mongondow Masa In Tanaa

⁷ Kon ḷangit diábí in ná Iko, o Tuhan, diábí in mahaḷuk in soroga in mokotongkai kon ini-Mu.

MAZMUR 89:7 ပူးပေါင်းရင်းမြစ်များ

MAZMUR 113:5

Ki ine in ná ki Tuhan Allah naton? Sia in nomarenta kon tampat moḷantud.

MAZMUR 29:1

Mazmur i Daud. Dayowdon in ki Tuhan ei mahaḷuk mita in soroga, dayowdon in kamuliaan bo kawasa-Nea.

MAZMUR 47:2

Ponggoḷokapdon takin pia in gina, ei bayongan in bangusa! Dayowdon in ki Allah takin yogiow!

MAZMUR 86:8

O Tuhan, diábí in ilah in ná Iko, diábí in nokoaid kon ná inta inaidan-Mu.

YESAYA 40:18

Dá ki ine in popotongkaianmu kon i Allah? Ki ine in inanggapmu notombatangan-Nea?

YESAYA 40:25

Ki ine in inanggapmu notombatangan i Allah Inta Totok in mokudus? Ki ine i popotongkaianmu kon i-Nia?

YESAYA 66:2

Dunia naa in ḻima-Ku tontaní in nomia, dá tua komintan in pinomia. Táe koibog-Ku in intau inta moompá in dodia, inta nomanasaḷ in nogaid kon dosanea mita, inta moondok bo inta motoindudui kon i-Nakó.

YEREMIA 10:10

Táe Iko, Tuhan, Allah inta mobanar, Ki Allah in mobobogoi in kobiagan, datu mononoi. Aka Iko tumorú, modandú in dunia, aka Iko rumogi yo bangusa mita in diábí mokotongod. (

YEREMIA 10:7

Ki ine in doí mopirisaya kon ini-Mu, datu in bayongan bangusa? Totuu, Iko in patusbí totok in horomaton. Nongkon bayongan inta mopandoi kon sigad in bangusa mita bo nongkon bayongan in datu mita monia, diábí in tobatúmai in motaau popotongkaian kon ini-Mu o Tuhan.

IMAMAT 10:3

Bo ki Musa in noguman kon i Harun, “Tuata in makusud i Tuhan kon dodai in Sia noguman, ‘Bayongan intau inta mogaid kon oaidan-Ku musti mohoromat kon kotusian-Ku. Poniata-Kubí in kawasa-Ku kon bayongan bangusa-Ku.’ ” Táe ki Harun tongádon kibio-biómai.

MATIUS 10:28

Bo donaaibí moondok kon i monia inta moḻimod kon awak, táe diá inogoian in kawasa morabut kon nyawa. Kotoguondokbí kon i Allah inta kokawasa moḻimod kon awak bo morabut kon nyawa kon bonu in naraka.

OUMAN IN RASUL MITA 5:11

Dá totokdon noondok in bayongan jamaat bo bayongan intau inta nokodongog kon onu inta ain nobaḻí tatua.