MAZMUR 89:4 - Alkitab Singog In Mongondow Masa In Tanaa

⁴ Iko in noguman, “Akuoi in nogaidon kon dodandian takin intau inta piniḻí-Ku; Akuoi in nongibotdon kon i Daud, mogogundoi-Ku:

MAZMUR 89:4 ပူးပေါင်းရင်းမြစ်များ

SAMUEL 2 7:29

Tuamai, poigumonku, moibogdon momarakat kon buíku sinbá kinoouputbí in dunia naa mosia in umuran mokouma kon tabi-mu. O Tuhan Inta Totok in Moḷantud, bayongan intua aindon pinodandi-Mu, dá buíku in umuranbí barakatan-Mu kino ouput in dunia naa.”

DATU MITA IMITÁNEA 9:5

dá intompodan-Kubí in dandi-Ku kon i amámu ki Daud kon adí bo ompunea namonag in umuranbí momarenta kon Israel.

TAWARIKH 1 22:10

Ki adímu ḷoḷaki tatua in moposindog in baḷoi kon i-Nakó. Sia in mobaḻí ki adí-Ku bo Akuoi in mobaḻí ki Amánea. Ḷoḻitúan pomomarentaan in Israel in umuranbí ogoi kon buínea moidapot in mononoi.’ ”

TAWARIKH 1 28:4

Ki Tuhan Allah inta sinumba in Israel, ain nomiḻí kon inakó bo buíku sin momarenta kon Israel moidapot in mononoi. Bo kon bonu in moposadia kon itoi tobatú dá piniḻí-Nea in suku Yohuda, bo nongkon suku tatua piniḻí-Nea in motoḷuadí i amáku. Bo nongkon bayongan in tombonu in motoḷuadí i amáku tatua dá noibog in Sia nomiḻí kon inakó bo binaḻí-Nea in akuoi datu kon bayongan in Israel.

MAZMUR 132:11

Ki Tuhan in nongibotdon kon i Daud; Sia in diábí monginggamá kon dandi-Nea. Guman-Nea, “Ki adímu tobatú in baḻíon-Kubí datu sin momarenta monoḻiu kon inimu.

MAZMUR 132:12

Aka ki adímu mita motoḷutui kon dodandian-Ku, bo motoindudui kon parenta-Ku mita, dá modapot in mononoi buí monia in monoḻiu kon ini-Mu mobaḻí datu.”

MAZMUR 72:17

Igumon mako ki datu in umuran tano-tano bo modapot in mononoi, bo sia in modugangdon totok tango-tangoion kon tungkuḷ in mata in singgai tantúpa oyúon. Igumon mako bangusa mita in mopoigum in barakat naonda bo sia, bo bayongan in intau moguman kon mosanang totok in sia.

MAZMUR 89:1

Dondong topotundú i Etan, intau in Ezrahi.

MAZMUR 89:29

Sia in tantúbí kotabi-Ku modapot in mononoi, dodandian-Ku takinnea in umuranbí morigon.

MAZMUR 89:36

Kokomintan tua modapot in mononoi Akuoi in mongibot podoyon kon tangoi-Ku inta motusi; Akuoi in diábí monguboḷ kon i Daud.

MAZMUR 89:50

O Tuhan, kon ondadon degá in tomponuot in tabi-Mu inta dungkuḷ, inta pinodandi-Mu kon i Daud pinodoyon kon kososatia-Mu?

YESAYA 42:1

Guman i Tuhan, “Naa in mogogundoi-Ku inta binaba-Ku, intau inta piniḻí-Ku inta mokosanang kon gina-Ku. Akuoi ain nobogoi in kawasa-Ku kon inia, sin modia kon koadilan kon batúan in bangusa.

ZAKHARIA 12:8

Kon singgai tatua Akuoi in mogoḻiung kon intau inta nogutun kon Yerusalem; bo inta totok in moyangkó kon sigad monia in mobaḻí ná koropot i Daud. Mosia in kapitonbí in buí i Daud naonda bo malaekat-Ku, nodapotbí in naonda bo Akuoi tontaní in nokapit.

SURAT I PAULUS KON JAMAAT RUM 15:12

Ki Nabi Yesaya in noguman doman nanaa, “Nongkon buí i Isai moiangoibí in intau tobatú inta momarenta kon bangusa mita; kon i-Niabí tua in poharapan in bangusa mita tatua.”

WAHYU 22:16

“Akuoi, ki Yesus, ain nopotabá mangoi in malaekat-Ku kon i monimu, sinbá sia mopotaau in soaḷ mita inta pakéon kon kopontingan in jamaat mita. Akuoi naa in buí i Daud; Akuoibí naa in tundi dotá in pomukaan inta motarang totok tua.”