MAZMUR 89:2 - Alkitab Singog In Mongondow Masa In Tanaa

² Totabi-Mu, Tuhan, in popodondongku modapot in mononoi, kososatia-Mu in umurankubí potaa-taau mako modapot kon adí bo ompu.

MAZMUR 89:2 ပူးပေါင်းရင်းမြစ်များ

NEHEMIA 1:5

“Oo Tuhan Allah inta nongawasa kon soroga. Iko in Allah Inta Moḷoben bo kami in tumayow kon ini-Mu takin moondok totok. Iko in tantúbí mosatia bo nokadai kon dandi-Mu kon intau mita inta motabi kon ini-Mu bo motoindudui kon parenta-Mu.

NEHEMIA 9:17

Mosia in diá motoindudui, bayongan in kopopia-Mu iḻiongdon, bo bayongan in oaid-Mu inta mokoherang diádon kinotoropan monia. Takin kaḷakuang nomiḻí in mosia kon itoi, sin modia kon i monia mayá in Mesir, bui mobaḻí ata. Táe Iko in ki Allahbí inta moibog mongampung, mosabar, mopia in gina bo nopuḻing in tabi. Tabi-Mu in diábí in poḻiuan; Diábí sinaḷáan-Mu in mosia.

NEHEMIA 9:31

Táe popisí in tabi-Mu moḷoben diá in poḻiuan, diábí sinaḷáan andeka irimumud-Mu in mosia. Totuu, Ikobí in Allah inta diá in poḻiuan; moḷoben in tabi-Mu, nopuḻing in tabi!

MAZMUR 103:17

Táe ki Tuhan in umuranbí motabi kon intau inta motoguondok, kopopia-Nea in modapotbí kon adí bo ompu

MAZMUR 119:89

Tuhan, tosingogon-Mu in moroton modapot in kopaḷutannea, umuran mononoi kon soroga.

MAZMUR 146:6

Siabí inta ain nomaḻí kon ḷangit bo butá, dagat bo bayongan in tombonunea; Sia in umuranbí mosatia modapot in mononoi.

MAZMUR 36:5

Kon tosiugan sia in monomayábí mako kon moraat; aidnea diábí in mopia, inta moraat diábí in inindoínea.

MAZMUR 40:11

Habar kasaḷamatan tatua in diábí tongá sinagúku mako kon bonu in gina, totuḷung bo kososatia-Mu umuran potaauku. Kon tayowon in poyosipunan in umat-Mu diábí in akuoi tongá kibio-biómai, táe pinotaaukubí in tabi bo kososatia-Mu.

MAZMUR 42:1

Kon i itoi in mododondong. Dondong totundú in inanakan i Korah.

MAZMUR 89:37

Ḷoḻitúannea in umuranbí oyúon kon bonu in oyúonpa in mata in singgai, modapot in adí bo ompu in mongawasa kon tua.

MAZMUR 89:5

‘Ḷoḻitúan pomomarentaanmu in ḷukadan-Ku modapot in mononoi, modapot in ki adí bo ki ompumu in ḻimitú kon tua.’ ”

PINOGIAPAN 23:19

Ki Allah deemanbí ná intau inta moḷongkang angoian in momanasaḷ bo moibog monguboḷ. Aka ki Allah in modandi, yo notantúbí kon aidan-Nea! Aka Sia in mosingog, yo totuubí kon mobaḻí!

MATIUS 24:35

Ḷangit bo butá in moyoyangbí, táe singog-Ku naa in mononoibí.”

LUKAS 1:50

Sia umuran mobogoi in totabi-Nea kon bayongan intau inta moondok kon i-Nia.

IBRANI 6:18

Doyowa nopasaḷ tatua in diábí mobaḷu-baḷui: Totuuonbí i Allah in dandi bo ibot-Nea tatua. Sia in diábí monguboḷ. Manangka intua kita inta umuran umoḻiung kon i-Nia, umuran-Nea inogoian in ropot bá umuran kumadai kon onu inta i harap mako kon tayowon naton.