MAZMUR 88:7 - Alkitab Singog In Mongondow Masa In Tanaa

⁷ Pinogambat-Mu in akuoi kon bonu in bubú inta moonag, kon bonu in bubú poḷoḷobongan inta moonag bo sindip.

MAZMUR 88:7 ပူးပေါင်းရင်းမြစ်များ

AYUB 10:16

Aka kodapotanku onu in inaidanku, umpaka diá moḷoben, Iko mogaḷow kon inakó naonda bo singa. Bo poontong-Mu bui in kawasa-Mu, tongábí mopogogondok kon inakó.

AYUB 6:4

Piot nongkon i Inta Totok in Mokawasa noiḷambai kon awakku; bisanea in noibaya-bayádon kon bayongan in putú bo awakku. Kotoyang i Allah totok in mokoondok, bo nondangat kon inakó naonda bo tontara in musung.

MAZMUR 102:10

Akuoi in mokaan kon ḷobud naonda bo roti, oinumonku noyobauk in ḷuá,

MAZMUR 32:4

Singgai doḷom Iko in mondorot kon inakó, Tuhan, ropotku in nodait naonda bo sinotop in patú in singgai.

MAZMUR 38:1

Mazmur i Daud kon tungkuḷ in noposumba in kuruban tompoingat.

MAZMUR 42:7

Kon butá pinoḷumbúan tanaa mororiga totok in ginaku, tuamai in kinotoropanku in ki Tuhan. Dimukudku in dinia in robonoḷ in gina, akuoi in inuntag in ḷunud kotombaukan; naonda bo tubig kon popoḷabúan in Ongkag in Yordan nongkon Buḷud in Hermon bo Buḷud in Mizar.

MAZMUR 69:3

Akuoi in noibonu kon dampaḷ inta modaḷom, diá in pomuntukan. Akuoi in noḷomot kon tubig inta moḻinow, iniḻig in bokoḷ kon dodai in tubig noponik.

MAZMUR 90:7

Kami in noitaḻikokog in torú-Mu, bo nodait minatoi in yaat in gina-Mu.

YUNUS 2:3

Kon tampat modaḷom akuoi pinogonag-Mu, nodapot kon apad in dagat. Kon tua torú in tubig iḻimibu kon inakó, bokoḷ bo ḻimboknea nopogambat kon inakó.

YUNUS 2:4

Akuoi in nosingog kon bonu in ginaku: Ki Tuhan in nopoguntundon kon inakó naa nongkon tayowon-Nea. Diádon in akuoi mokoontong bui kon baḷoi pogogutunan-Nea inta motusi.

YOHANES 3:36

Intau inta mopirisaya kon Adí tatua, mokouḻíbí kon kobiagan mopia bo mononoi, táe intau inta diá motoindudui kon Adí tatua, diábí doman mokouḻí kon kobiagan. Sia in umuran hukumon i Allah.

PETRUS 1 2:24

Ki Kristusbí tontaní in notanggung kon dosa mita naton. Tua mita in sinanggung-Nea kon tudu in Kayu pinoyotaḻempang, sinbá kita in moipilatdon kon bonu in kawasa in dosa, bo mobiagdon podudui in ibog i Allah. Kekeb-Neabí mita tatua inta mokopia kon i monimu.