MAZMUR 88:6 - Alkitab Singog In Mongondow Masa In Tanaa

⁶ Akuoi in sinaḷáan kon yua-yuak in intau minatoi, naonda bo intau kinoḻimodan, noiuḻid mako kon bonu in poḷoḷobongan, naonda bo intau inta totokdon in kinoḻiongan-Mu, intau inta diádon sinuḷungan-Mu bui.

MAZMUR 88:6 ပူးပေါင်းရင်းမြစ်များ

MAZMUR 130:1

Dondong mayá in Baḷoi i Tuhan. Nongkon bonu in irang roriga akuoi in nokuani kon ini-Mu, o Tuhan.

MAZMUR 143:3

Musungku in nondudurdon kon inakó bo sinaḷownea in akuoi, bo pinobonunea in akuoi kon ponjara inta mosindip; akuoi in nobaḻídon naonda bo intau inta noonggotdon in minatoi.

MAZMUR 40:2

Nosabarbí in akuoi in nogoḷat mako kon totuḷung i Tuhan; bo sinaridian-Nea in akuoi bo nokidongog kon kuaniku.

MAZMUR 69:15

Dika pomayá mako in akuoi moidoḷop kon bonu in yoná, posaḷamatdon in akuoi kon intau mita inta mondoí kon inakó bo kon tubig inta modaḷom.

MAZMUR 86:13

Sin Iko in tantúbí notabi kon inakó takin tabi moḷoben; Iko in noposaḷamatdon kon nyawaku nongkon bubú in poḷoḷobongan.

OMBAḶ 3:2

Koyayú-koyayúdon in popogambatan-Nea kon inakó kon bonu in tampat inta totok in mosindip.

OMBAḶ 3:55

Oo Tuhan, akuoi in nokuani kon ini-Mu, nongkon anor in parigí inta moonag tua.

YUNUS 2:4

Akuoi in nosingog kon bonu in ginaku: Ki Tuhan in nopoguntundon kon inakó naa nongkon tayowon-Nea. Diádon in akuoi mokoontong bui kon baḷoi pogogutunan-Nea inta motusi.

YOHANES 12:46

Akuoi in namangoi in dunia naa saḷaku bayag, sinbá bayongan intau inta mopirisaya kon i-Nakó diá mogutun kon bonu in sindip.

ULANGAN 32:22

Torú-Ku in moborambangdon naonda bo tuḷú inta momokak modapot kon dunia in intau minatoi. Tuḷú tatua in momokak kon bayongan in butá takin tombonunea, bo buḷud mita modapot in kon uakatnea mita.

YUDAS 1:13

Mosia notongkai doman in bokoḷ moropot kon dagat inta mokopomuká kon burá, natua in mosia monomburá kon oaid mita monia inta mokooyá. Mosia tua in ná doman onda bo mahaḷuk mita inta modondaḷoi magí mako bo inta ain pinosadiaan i Allah kon tampatnea kon bonu in tampat inta totok in mosindip modapot in kopaḷutannea.

YUDAS 1:6

Torop domandon in malaekat mita inta iḻimimpat kon kawasa inta inogoi kon i monia, sahingga in minayá nonaḷámaidon kon tampat pogogutunan monia. Mosia tua in sinoko togot i Allah in rante inta diá mobonto-bontow kon bonu in tampat inta mosindip kon ḻimonag in butá. Mosia in umuranpabí sinahang kon tua modapot in hukuman popoḷabúdon kon i monia kon Singgai inta ponantúandon.