MAZMUR 88:4 - Alkitab Singog In Mongondow Masa In Tanaa

⁴ Akuoi naa in kinoantugan in susa mobayong; popatoi in kon ngaradon in ḷoḻingkop.

MAZMUR 88:4 ပူးပေါင်းရင်းမြစ်များ

AYUB 17:1

Singgai kopatoianku in nodiugdon, gogiódon mobontow in poginaanku; dongkadon poḷoḷobongan in moyotakinku.

MAZMUR 143:7

Ḷagidon kaasí tubagai in akuoi, o Tuhan, sin diádon in kamangku. Dika mogadop kon inakó, sinbá akuoi in diá ná intau inta ain noponag kon dunia in intau minatoi.

MAZMUR 28:1

Mazmur i Daud. O Tuhan, kon ini-Mubí in pokuanianku, Iko in mododuḷuku, indongogaipa in kuaniku. Aka Iko bo tongá kibio-biómai kon inakó, yo akuoi in naonda bo intau inta moponag kon bubú in poḷobongan.

MAZMUR 30:9

Kon ini-Mu, o Tuhan, pokuanianku, kon i Tuhan in poigumanku,

MAZMUR 31:12

Akuoi in tososingkuḻe in bayongan in musungku, nodapot in kon topodiugkumai. Bayongan in intau inta nogogintaauanku moitaḻikokog aka mokoontong kon inakó, moḷagui in mosia aka moyodungkuḷku kon daḷan.

YESAYA 53:3

Kita in moningkuḻe bo yumayú kon inia, intau inta nopuḻing in roriga bo nobiasa mobaba kon takit. Diá tobatúmai in intau in moibog imindoi kon inia, bo kita in diá doman moindoimai kon inia.

OMBAḶ 3:15

Tongábí inta mopait in inogoi-Nea kon inakó nobaḻí kaanon bo oinumonku.

YEHEZKIEL 26:20

Bo iko in pokidia-Kudon kon dunia in intau minatoi sin moyodugang in intau mita inta dungkuḷmai. Pomayá-Ku mako in iko in mogutun kon dunia in intau minatoi tua, kon yua-yuak in apug mononoi, moyotakin in intau minatoi. Dá butámu in diádon utunan bui, bo iko in diá bidon kotangoian kon sigad in intau nobiag.

YUNUS 2:6

Akuoi in iḷumanduk noidapot kon apad in tombuḷud, kon dunia inta bonawangnea kinunsían modapot in singgai tumi. Dimukudku in moḷopídon totok kon bonu in awakku, bo kinotoropankudon bo nokuani kon ini-Mu. Dá noiyaputdon in sambayangku kon ini-Mu, kon bonu in Baḷoi-Mu inta mokudus. Bo pinopoponik-Mudon in akuoi nongkon bonu in dagat, o Tuhan Allahku!

SURAT I PAULUS KON JAMAAT RUM 5:6

Wakutu in kita diádon kodaya, ki Kristus in pinokurubandon sin kopontingan naton pinotombubung kon wakutu inta ain sinantú i Allah; bokaka kita in intau mita inta noyayú nongkon i Allah.

KORINTUS 2 1:9

Sin nádon onda bo pinopoḷabúan in hukuman matoi. Tongá tua in nobaḻí mita sinbá kami in diá mopongata in ropot nami tontaní, táe umandoḷbí kon i Allah inta nobogoi in kobiagan kon intau.

KORINTUS 2 13:4

Totuubí, kon wakutu in Sia pinopopakú kon kayu pinoyotaḻempang, noḻemé in Sia, táe tanaa in biniagdon bui i Allah in Sia takin kawasa-Nea. Kami in diábí doman moropot kon bonu in kobiagan nami inta notobatúdon i Kristus, táe aka kami moyogintayowdon monimu, yo kami in mobaḻí bidon moropot moyotakin i Kristus lantaran kawasa i Allah.