MAZMUR 88:13 - Alkitab Singog In Mongondow Masa In Tanaa

¹³ Oyúon degá in nonotaau kon inta mokoherang inaidan-Mu kon bonu in sindip, andeka kopopia-Mu kon butá inta intau mita iḻiong?

MAZMUR 88:13 ပူးပေါင်းရင်းမြစ်များ

AYUB 10:21

Diádon moonggot mayá in akuoi bo diádon mobui mangoi, mopobayá in dunia inta mosindip bo modingungui totok,

AYUB 10:22

dunia inta mosindip, nopuḻing in oḻinow bo notombauk, bayag notongkai in pungit.”

MAZMUR 30:2

Akuoi in modayow kon ini-Mu, o Tuhan, sin Iko in noposaḷamatdon kon inakó bo diá nopomayá mako kon musungku nonggoḷokap kon inakó.

MAZMUR 5:3

Indoiaipa kaasí in oigumku bo tuḷungaipa in akuoi, o Datuku, o Allahku.

MOHOHUTUBA 9:5

Intau inta nobiag nonotaaubí kon singgai kopatoian in nogoḷatbí mako kon inia, táe intau minatoi in diábí nonotaau kon onu bo onu. Diábí in tondan andeka tontuḻínea bo tangoinea in kinoḻiongandon.

OMBAḶ 3:56

Totok in poigumonku kaasí dikapa momompon kon bongoḷan-Mu kon onu inta poigumonku sinbá Iko in motuḷung kon inakó. Dá sambayangku in inindongogan-Mudon, bo Iko in namangoi dinimiug; iko in noguman, ‘Dika moondok.’

MARKUS 1:35

Nopoikoḷomai kon singgai, subupa, nobangondon in ki Yesus bo iḷumuai. Sia minayá in tampat inta noitontaní bo nosambayang kon tua.