MAZMUR 88:12 - Alkitab Singog In Mongondow Masa In Tanaa

¹² Degá tabi-Mu potaau kon bonu in poḷoḷobongan, bo kososatia-Mu kon tampat koyopúan?

MAZMUR 88:12 ပူးပေါင်းရင်းမြစ်များ

MAZMUR 143:3

Musungku in nondudurdon kon inakó bo sinaḷownea in akuoi, bo pinobonunea in akuoi kon ponjara inta mosindip; akuoi in nobaḻídon naonda bo intau inta noonggotdon in minatoi.

MAZMUR 31:12

Akuoi in tososingkuḻe in bayongan in musungku, nodapot in kon topodiugkumai. Bayongan in intau inta nogogintaauanku moitaḻikokog aka mokoontong kon inakó, moḷagui in mosia aka moyodungkuḷku kon daḷan.

MAZMUR 88:5

Akuoi in naondadon bo intau inta moponagdon kon bubú in poḷobongan, intau inta kinodaitandon in ropot

MOHOHUTUBA 2:16

Intau inta bodok ḷagidon koḻiongan, táe intau inta mopandoi in diá domandon toro-toropon. Koonggot-koonggot kita komintan in modaitdon koḻiongan. Kita komintan in mustibí matoi, pinomayá intau inta moarip andeka intau inta dondunguḷ.

MOHOHUTUBA 8:10

Nokoimontan inontongku in intau moraat minatoi bo iḷobong. Táe kon dodai in intau mita nobui nongkon pinoḷobongan kon inia, mosia in nodayow kon inia kon kotá inta pinogaidannea kon inta moraat. Dá, tua in diábí doman in mangaḻenea.

MOHOHUTUBA 9:5

Intau inta nobiag nonotaaubí kon singgai kopatoian in nogoḷatbí mako kon inia, táe intau minatoi in diábí nonotaau kon onu bo onu. Diábí in tondan andeka tontuḻínea bo tangoinea in kinoḻiongandon.

YESAYA 8:22

andeka moiḻimonag, mosia in diábí mokoontong kon onu bo onu koḻikudbí in roriga bo goḷom mobunod inta mokokoningkim. Mosia in pogambatbí kon tampat inta sindip tatua.

MATIUS 8:12

Táe intau mita inta sabanarnea mobaḻí tombonu in soroga toko pogonagdon kon tampat inta mosindip totok. Kon tua kodongogandon in ombaḷ bo roriga.”

YUDAS 1:13

Mosia notongkai doman in bokoḷ moropot kon dagat inta mokopomuká kon burá, natua in mosia monomburá kon oaid mita monia inta mokooyá. Mosia tua in ná doman onda bo mahaḷuk mita inta modondaḷoi magí mako bo inta ain pinosadiaan i Allah kon tampatnea kon bonu in tampat inta totok in mosindip modapot in kopaḷutannea.