MAZMUR 88:10 - Alkitab Singog In Mongondow Masa In Tanaa

¹⁰ mataku in nokuḷoḷowdon popisí in roriga. Pomuḷoi in singgai akuoi in mokuani kon ini-Mu, Tuhan, bo nosambayang takin ḻima noiyopa.

MAZMUR 88:10 ပူးပေါင်းရင်းမြစ်များ

MAZMUR 115:17

Ki Tuhan in diábí dinayow in intau minatoi, in intau inta ain noponag kon tampat inta noingongow.

MAZMUR 118:17

Akuoi in diábí matoi, táe umuranbí mobiag sin mopotaa-taau mako kon aid i Tuhan.

MAZMUR 143:6

Akuoi in nosambayang kon ini-Mu takin ḻima noiyopa; naonda bo butá inta noingkag, jiwaku in mokotanob kon ini-Mu.

MAZMUR 30:9

Kon ini-Mu, o Tuhan, pokuanianku, kon i Tuhan in poigumanku,

MAZMUR 6:5

Pobuidon mangoi, Tuhan, bo posaḷamatdon in akuoi, posaḷamatdon in akuoi popisí in tabi-Mu.

MAZMUR 86:3

Ikobí in ki Allahku, kotabipa kaasí in akuoi o Tuhan, sin kinoouput in singgai akuoi mosambayang kon ini-Mu.

YESAYA 26:19

Umat-Mu inta ain minatoi in mobiagbí bui, awak mita monia in mobiagdon bui. Intau inta ain iḷobong kon bonu in butá in mobiagbí bo morogiow. Naonda bo oḷú inta mokoonow kon butá, Iko in momiag kon umat-Mu inta ain noonggot in minatoi.