MAZMUR 86:16 - Alkitab Singog In Mongondow Masa In Tanaa

¹⁶ Taridiaipa kaasí bo kotabipa in akuoi, iropotaidon bo posaḷamatpa in akuoi, sin naonda bo ki ináku, akuoi in nosumba doman kon ini-Mu.

MAZMUR 86:16 ပူးပေါင်းရင်းမြစ်များ

MAZMUR 116:16

Akuoi naa in mogogundoi-Mu, o Tuhan, naonda bo ki ináku, akuoi in mogundoi doman kon ini-Mu Iko in nopoḷuatdon kon inakó nongkon ponjara.

MAZMUR 119:132

Bobuidon in akuoi bo kotabipa kaasí in akuoi, ná kototabi-Mu kon intau inta motabi kon ini-Mu.

MAZMUR 119:94

Posaḷamatdon kaasí in akuoi, sin akuoi naa Iko in kitogi, akuoi in noḷongasidon dinumudui kon atorang-Mu.

MAZMUR 138:3

Kon tungkuḷ in akuoi nokuani kon ini-Mu, Iko in notubag, inirigonan-Mu in ginaku dá nobaranidon in akuoi.

MAZMUR 25:16

Indoiaipa kaasí in akuoi, bo kotabipa in akuoi, sin moingongow in akuoi bo mororiga.

MAZMUR 41:5

Gumanku, “Akuoi in binaradosadon kon ini-Mu, o Tuhan, kotabipa kaasí in akuoi bo undamaipa in akuoi.”

MAZMUR 69:16

Dikabí pomayá mako in akuoi in moḷomot kon bokoḷ inta noponik, bo moitaḷom kon apad in dagat andeka ḷobongon kon bonu in bubú.

MAZMUR 84:5

Totuu mosanang in intau inta nogutun kon Baḷoi-Mu, bo umuran mopodondong in dodayow kon ini-Mu.

MAZMUR 90:13

O Tuhan, modapot in toonu Iko in tumorú? Pobuidon bo kotabipa in mogogundoi-Mu mita.

YESAYA 45:24

Intau mita inta noguman, ‘Koadilan bo ropot in tongábí nongkon i Tuhan!’ Bayongan in intau inta doí kon i-Nakó in mamangoibí kon i-Nakó bo mooyá.

ZAKHARIA 10:12

Akuoi in moginropotbí kon umat-Ku, mosia in tumoḷutuibí in mosumba kon i-Nakó. Akuoi, ki Tuhan, ain nosingog.”

LUKAS 1:38

Kain singog i Maria doman, “Akuoi naa kaasí in tongábí bobantung i Tuhan, dá onu in kinoibog i Tuhan mobaḻí kon inakó dá kobaḻídon podudui in singogmu tanion.” Onda intua malaekat tatua nonaḷámai kon i Maria.

EPESUS 3:16

Mosambayang in akuoi sinbá ki Allah inta totok in momulia tua in moibog moginrigon kon batinmu takin Roho-Nea.

EPESUS 6:10

Naa in singogku pangabisan, paké in ropot inta nouḻí monimu nongkon kawasa i Tuhan, sin moiko in notobatúdon takin-Nea.

PILIPI 4:13

Kawasa inta inogoi i Kristus kon inakó umuran mobogoi in ropot kon inakó in tumayow kon kaadaan noyagi-yagimai.

KOLOSE 1:11

Igumondon mako, sinbá kawasa i Allah inta momulia in tantú moginrigon kon i monimu, sahingga in umuran mosanang bo mopia in gina monimu wakutu in moyogintayow in bayongan roriga