MAZMUR 86:14 - Alkitab Singog In Mongondow Masa In Tanaa

¹⁴ O Allah, intau moḷoḷatú in simindog monubu kon inakó, tongopaanan in intau moḻingá moibog moḻimod kon inakó; mosia in diábí mopandungmai kon ini-Mu.

MAZMUR 86:14 ပူးပေါင်းရင်းမြစ်များ

SAMUEL 2 16:20

Onda intua noguman in ki Absalom kon i Ahitopel, “Pogumandon mongo onu in pomiaan naton.”

SAMUEL 2 17:14

Nokodongogmai kon tua in ki Absalom bo bayongan intau in Israel yo noguman in mosia, “Tonggina i Husai in mopia-pia in tonggina i Ahitopel.” Totuu, ki Tuhan ain nonantú kon mogindiá kon tonggina i Ahitopel inta mopia tatua, sinbá ki Absalom in kotugatandon in bodito.

MAZMUR 10:11

Kainiakamai, “Kinoḻiongandon i Allah bo diá bidon inindoian mako; bo moiduduimai in diábí doman ontongon-Nea in akuoi!”

MAZMUR 10:13

Nongonu sin intau moraat in umuranbí mopoompámai kon i Allah bo morai kon ki Allah in diábí mohukum kon inia?

MAZMUR 10:4

Intau binaradosa in diábí mopandungmai kon i Tuhan, popisí in kaḷakuangnea dá norai in sia kon diábí in Allah.

MAZMUR 119:51

Intau moḷoḷatú in totokbí in moningkuḻe kon inakó, táe akuoi in diábí sinumabat kon hukum-Mu.

MAZMUR 119:69

Intau moḷoḷatú noningkuḻe kon inakó, táe noḻimbatúbí in ginaku in sinumoḷutui kon atorang-Mu.

MAZMUR 119:85

Intau inta diá dinumudui kon hukum-Mu, nongaḻidon kon bubú sinbá kotopakanku.

MAZMUR 14:4

Guman i Tuhan, “Diádon degá noratak in intau mita tatua? Mosia in nobiag takin nogagow kon umat-Ku bo diábí kon dodai in onda in noigum pinongin sambayang kon i-Nakó.”

MAZMUR 140:5

O Tuhan, ḷukadaidon in akuoi nongkon kawasa in intau moraat, ḷukadaidon in akuoi nongkon intau inta moḻingá inta moniat mopoḷabú kon inakó.

MAZMUR 36:1

Kon i itoi in mododondong. Nongkon i Daud, mogogundoi i Tuhan.

MAZMUR 36:11

Igumon mako Iko in umuran motabi kon intau inta nonotaau kon ini-Mu, bo mogaid kon inta mopia kon intau inta motuḻid in gina.

MAZMUR 54:3

O Allah, posaḷamatdon in akuoi pongin kawasa-Mu, ogoiaidon in inta moadil kon inakó podoyon kon ropot-Mu.

MAZMUR 54:5

Sin intau ango-angoi simindog monubu kon inakó, intau moḷoḷatú moibog moḻimod kon inakó, mosia in diábí mopandungmai kon i Allah.

YEHEZKIEL 8:12

Ki Allah in noguman kon inakó, “Ei intau inta ilo-ilow, inontongmu degá onu in inaidan in itoi mita in Israel takin inumado-adop? Mosia in noibada kon bonu in yuang inta nopuḻing in berhala sin kan Akuoi in nonaḷámaidon kon butá tanaa bo diádon noindoimai kon aid monia.”

YEHEZKIEL 9:9

Ki Allah in notubag, “Intau mita in Israel bo Yohuda in nogaidon kon dosa inta totok in moḷoben. Mosia in noḻimodon kon bayongan in tampat, bo Yerusalem in kinotorandon in aid moraat. Mosia in noguman kon Akuoi, ki Tuhan, in nonaḷámaidon kon butá tanaa dá diádon mokoontong kon aid monia.