MAZMUR 84:9 - Alkitab Singog In Mongondow Masa In Tanaa

⁹ Indongogaipa kaasí in sambayangku, o Tuhan Allah Inta Totok in mokawasa, indongogaipa, o Allah Yakub.

MAZMUR 84:9 ပူးပေါင်းရင်းမြစ်များ

KINOBAḺIAN 15:1

Nopaḷut mako kon tua, ki Abram nokoontong kon oontongon bo nokodongog kon i Tuhan noguman kon inia, “Dika moondok, Abram, ḷukadan-Kubí in iko nongkon bodito, bo moḷoben totok tondan in pinogaidanmu in ogoi-Ku kon inimu.”

SAMUEL 2 23:1

Ki Daud adí i Isai in piniḻí nobaḻí datu bo binaḻí intau moḷoben i Allah Yakub. Sia doman in nongarang kon dondong mita kon Israel. Naa in tosingogon i Daud imbuitnea:

TAWARIKH 2 6:42

Tuhan Allah, dikapa indoíon-Mu in datu inta ain piniḻí-Mu tanaa. Toropdon in tabi-Mu kon i Daud mogogundoi-Mu.”

MAZMUR 132:17

Kon naa buí i Daud tobatú in baḻíon-Kubí datu; pomomarentaannea in irigonan-Kubí.

MAZMUR 17:1

Sambayang i Daud. Indongogaipa kaasí in kuaniku mopoigum in inta moadil, taridiaipa kaasí in sambayangku inta motuḻid, o Tuhan.

MAZMUR 2:2

Datu mita in dunia simindog moyododai bo inta mongogawasa mita moyopakat moḷawang kon i Tuhan bo datu inta piniḻí-Nea.

MAZMUR 2:6

Kai-Nia, “Kon Sion buḷud-Ku inta motusi aindon dinuí-Ku datu inta piniḻí-Ku.”

MAZMUR 3:3

Nobarong in noguman kon ki Allah in doí motuḷung kon inakó.

MAZMUR 59:11

Popisí in kopopia-Nea ki Allahku in namangoi kon inakó, Pinomayá-Nea mako in akuoi nokoontong kon musungku sinaḷow.

MAZMUR 84:11

Mopia-piabí kon tosinggai in kon Baḷoi-Mu dika in toribu nosinggai kon tampat ibanea. Piniḻíku in mobaḻí moḷoḷukad kon ngara in Baḷoi i Allahku dika in mogutun kon baḷoi in intau moraat.

MAZMUR 89:20

Dungkuḷmai kon bonu in oontongon tobatú, Iko in noguman kon mogogundoi-Mu inta motoḷutui, “Akuoi ain notuḷung kon pahlawan tobatú, intau tobatú inta piniḻí-Ku nongkon rayat inta ain pinoḷantud-Ku.

MAZMUR 98:1

Mazmur. Podondongdon in dondong mobagu kon i Tuhan, sin aid-Nea mita inta mokotongaw! Pinongin kawasa bo ropot-Nea tontaní Sia in nokountungdon.

OUMAN IN RASUL MITA 4:27

Sin totuubí kon ki Herodes bo ki Pontius Pilatus aindon noyosipun kon kotá tanaa takin intau mita inta diá nonotaau kon i Tuhan bo intau mita in Israel sin moḷawang kon i Yesus, simpaḷ-Mu inta ain piniḻí-Mu bo inta kinoibog-Mu.

ULANGAN 33:29

Kosanangdon in iko, ei Israel! Diábí in bangusa ná iko pinosaḷamat i Tuhan. Ki Tuhan in naonda bo pitow bo oḻingoi kon inimu; sin moduḷu kon inimu bo mobogoi in kauntungan kon inimu. Musungmu mita in mamangoibí mokikotabimai, bo iko in totokbí in moritak kon i monia.”

SAMUEL 1 16:6

Naonda in mosia noyosipun bo ki Samuel nokoontong kon i Eliab adí i Isai, kon raiannea, “Notantú bidon kon sia naa inta piḻíon i Tuhan.”

SAMUEL 1 2:10

Musung mita i Tuhan in morimumud motontopong, mosia in moondok; nongkon ḷangit in Sia monggotup. Ki Tuhan in mohakim kon bayongan in dunia naa, bo mobogoi in kawasa inta momulia kon i datu inta piniḻí-Nea.”