MAZMUR 82:5 - Alkitab Singog In Mongondow Masa In Tanaa

⁵ Moiko in diábí nonotaau in onu bo onu, bodok bo noiḷaḻe, popisí in moiko, diá notampuimai in atorang kon intau mobayong.

MAZMUR 82:5 ပူးပေါင်းရင်းမြစ်များ

AYUB 8:9

Kobiagan naton in notoyong, kita in diábí nonotaau kon onu bo onu; singgai mita naton naonda bo oḻinow.

MAZMUR 11:3

Aka dodoyonan in kobobiag in intau posibayá, yo intau mopia in kodaitandon in akaḷ.”

MAZMUR 14:4

Guman i Tuhan, “Diádon degá noratak in intau mita tatua? Mosia in nobiag takin nogagow kon umat-Ku bo diábí kon dodai in onda in noigum pinongin sambayang kon i-Nakó.”

MAZMUR 53:4

Táe komintan intau ain nonoḻikud bo moromú diádon tobatúmai in intau in nogaid kon inta mopia.

MAZMUR 75:3

Ki Allah in noguman, “Kon wakutu inta sinantú-Ku, Akuoi in mohakimbí koadilon.

MAZMUR 99:1

Ki Tuhan in Datu; bangusa mita in mourotbí. Sia in nomarenta kon tudu in kerub, butá in nodandú.

AMSAL 1:29

Moiko in naonda bo intau inta diápa nokoimontanmai in moibog motayak kon sinotaau, bo doí dumudui kon i Tuhan.

AMSAL 2:13

Mosia in doíbí dumudui kon kobobiag inta mopia; mosia in mongindaḷanbí inta mosindip bo nopuḻing in dosa.

MOHOHUTUBA 2:14

Intau moarip mokoontong kon daḷan inta bayáannea; intau bodok naonda bo mayá sindaḷan mongokap.” Táe kinotaauanku doman kon ukur inta motongkai moiumabí kon i monia komintan.

MOHOHUTUBA 3:16

Oyúonpa doman in inontongku kon dunia naa: kon onda in musti oyúon in koadilan bo kopiaan, yo kon tua doman oyúon in aid moraat.

YESAYA 5:7

Sin gobá in anggur i Tuhan Inta Totok in Mokawasa in umat in Israel, bo intau mita in Yohuda in pangkoi in anggur inta pinomuḷa-Nea. Kon i monia iharap-Nea mako in aid inta moadil, táe tongábí aid moraat. Kon bonu in kamang-Nea mosia in moposindogbí in inta mobanar, táe tongábí oyúon in karak moigum kon koadilan.

YESAYA 59:9

Bangusa tatua in moguman kon i Allah, “Tanaa in kinotaauandon nami kon nongonu sin Iko in diábí noposaḷamat kon inami nongkon intau mita inta nondorot kon inami. Kami in mogoḷat mako kon bayag, táe tongábí oyúon in sindip.

MIKHA 3:1

Indongogaidon, ei mongongawasa mita in Israel! Sabanarnea in bá kotaauanbí monimu onu inta moadil,

YOHANES 12:35

Ki Yesus in notubag: “Tongábí samantara in bayag tatua kon yua-yuak monimu. Tuamai bayádon kon dodai in bayag tatua kon yua-yuakpa monimu, sinbá moiko in diá kokawasaan in sindip, sin intau inta mayá kon bonu in sindip in diábí kotaauannea in bayáannea.

YOHANES 3:19

Naa in mobaḻí dodoyonan ponuntutan kon inia: Bayag ain namangoi in dunia naa, táe sindipbí in koibo-ibog in intau, sin moraat in oaid monia.

SURAT I PAULUS KON JAMAAT RUM 1:28

Bo lantaran irasa in intau kon diábí paraḷu in mosia monotaau kon i Allah, dá pinomayá bidon mako i Allah in kogoguyaatan in raian monia, sahingga in nogaidon mosia kon soaḷ mita inta pinoton aidan.

TIMOTIUS 2 2:19

Táe dodoyonan moroton inta ain pinomia i Allah tua in diá bidon in mokodandú. Kon ḻimoniknea in pinaisdon nanaa, “Kinotaauanbí i Tuhan in umat-Nea inta kinotabi-Nea,” bo “Intau inta mongaku umat i Tuhan in mustidon mogogai in mogaid kon inta noitaḷá.”

YOHANES 1 2:11

Táe intau inta mosaturu kon i utatnea in nobiagpabí kon sindip. Sia in minayá kon bonu in sindip, bo diá kotaauannea mongo kon onda in bayáannea, sin sindipdon tatua in mogoḻingoi kon inia.