MAZMUR 80:18 - Alkitab Singog In Mongondow Masa In Tanaa

¹⁸ Oḻiungaidon in intau inta ain piniḻí-Mu, ki adí in intau inta ain iniropotan-Mu kon ini-Mu.

MAZMUR 80:18 ပူးပေါင်းရင်းမြစ်များ

EZRA 7:6

Ki Ezra in intau tobatú inta nosikoḷa bo nobayong in kinotaauannea in soaḷ Hukum inta inogoi i Tuhan, Allah in Israel kon i Musa. Popisí in ki Ezra binarakatan i Tuhan Allahnea, dá ki datu in nobogoi kon inia in bayongan inta pinoigumnea. Kon taong impitunea kon pinomarentaan i Datu Artahsasta, nobuatdon in ki Ezra nongkon Babel bo minayá in Yerusalem noyotakin in topaanan in intau Israel inta imang mita, intau in Lewi, mododondong bo moḷoḷukad kon ngara kon Baḷoi Tuhan, bo mogogaid mita.

MAZMUR 119:107

Akuoi in totokbí in mororiga, o Tuhan, ḷukadai in kobiaganku podudui in dandi-Mu.

MAZMUR 119:154

Duḷuaidon in pelekaraku bo poḷuatdon in akuoi; posaḷamatpa in akuoi podudui in dandi-Mu.

MAZMUR 119:156

Totuu moḷoben in totabi-Mu, o Tuhan, posaḷamatpa in akuoi podudui in kooadil-Mu.

MAZMUR 119:25

Akuoi in inumuḻid mako kon ruak in ḷobud; poguḻídon in kobiaganku podudui in dandi-Mu.

MAZMUR 119:37

Ḷukadai in akuoi sinbá diá momatuk kon inta diá in mangaḻenea, ogoiaidon in akuoi in kobiagan podudui in ibog-Mu.

MAZMUR 119:40

Ogoiaidon in akuoi in kobiagan mobagu, sin Iko in moadil, totokbí in ibogonku in tumoḷutui kon atorang-Mu mita.

MAZMUR 71:20

Inogoian-Mu in akuoi in mobayong in roriga mobogat, táe poguḻíon-Mubí in ropotku bo momiag bui kon inakó nongkon pinoḷobongan.

MAZMUR 79:13

Dá kami umat-Mu, domba inta iḷukadan-Mu, in mopoyaput in sukur kon ini-Mu modapot in mononoi, bo modayow kon ini-Mu modapot in adí bo ompu.

MAZMUR 85:6

Modapot degá in mononoi Iko in tumorú kon inami, bo umuran tumorú modapot in adí bo ompu?

DONDONG MOḶANTUD 1:4

Mokopoḷamemet in kita, o datuku, diádon in akuoi tumuot in gopotmu. Sin popisí in iko dá moḷunganga totok in gina nami, bo modayow kon totabimu in moiḻiu kon anggur; patusdon in mongodeaga mita moibog kon inimu!