MAZMUR 80:13 - Alkitab Singog In Mongondow Masa In Tanaa

¹³ O Allah, nongonu sin inumpag-Mubí in tondoknea, dá pomuḷoi in intau inta moitaḻib motaaudon mosipú kon bungainea?

MAZMUR 80:13 ပူးပေါင်းရင်းမြစ်များ

DATU MITA 2 17:20

dá inindoídon i Tuhan in bayongan in umat in Israel. Ihukum-Nea bo inogoi-Neadon in mosia kon musung mita monia inta mongoraat totok. Diá bidon inindoian-Neamai in mosia, táe iḻumbú-Neadon in mosia nongkon butá inta inogoi-Nea kon i monia.

MAZMUR 89:42

Bayongan in intau inta moitaḻib in mogagow kon kapunyaannea, sia in tososingkuḻe mako in topodiugneamai.

YESAYA 5:5

Nanaa in aidan-Ku kon gobá in anggur-Ku tatua: Tondok inta pinoḻibu in rabuton-Ku, dinding inta pinogoḻingoi kon inia in umpagon-Ku, bo pinomayá-Ku mako in mahaḷuk moraat momoguyaat bo moritak-ritak mako kon inia.

YEREMIA 4:7

Ná singa inta iḻumuai nongkon pinogadopannea natua doman nobuatdon in momomutú kon bangusa mita inta namangoi sin momutú kon Yohuda. Kotá mita in Yohuda in mobaḻídon dongka rumbunnea tampat inta diá inutunan in intau.

YEREMIA 5:6

Tuamai mosia in ḻimodon in singa nongkon kayuon, bo bera-berakon in serigala nongkon padang gurun. Macan tutul in maya-mayábí mako motayak kon kaanonnea kon diug in kotá mita monia, bo pomuḷoi in intau inta ḷumuai in domokonbí. Tua komintan in mobaḻí popisí in mosia umurandon mogaid kon dosa, bo mopobui-buimaidon in monoḻikud kon i Allah.

YEREMIA 51:34

Yerusalem in irimumud bo kinaan komintan i datu in Babel; inaotannea in kotá tatua naonda bo inta nongaot kon botoḷ. Naonda bo mahaḷuk inta moḷoben totok, iḻiomnea in Yerusalem bo nomonu kon siannea takin bayongan inta mopia nongkon kotá tatua, bodongka noḷumbú kon ki agatnea.

YEREMIA 52:7

dinding in kotá dinangatan in musung. Doḷom tua, umpaka intau in Babel koyogot in mongopung kon kotá tatua, bayongan in tontara in Yohuda noḷagui mopobayá in Ḷopá in Yordan. Mosia in nongin taman in komaḻig, bo iḻumuai nongin bonawang inta nopoyoguput in dinding doyowa kon tampat tatua.

YEHEZKIEL 19:12

Táe sia irabut in ḻima mita inta irumogi, onda intua pinogonag kon butá. Tompot in pomukaan nogirup, nogingkag kon bungainea inta mopia. Tanganea noputoḷ, noingkag bo sinurub.

NAHUM 2:3

Kaḻeaw in musung nopura in batangannea, bo soragamnea in naonda bo dugú. Musung in nosadiadon modakop. Naonda bo tuḷú, uatoi in keretanea mopouḻi-uḻinag. Bayongan in kabaḷonea ḷumangka-ḷangkad.