MAZMUR 79:6 - Alkitab Singog In Mongondow Masa In Tanaa

⁶ Pobutakdon in torú-Mu kon bangusa mita inta diá nonotaau kon ini-Mu, bo kon dodatuan mita inta diá noibada kon ini-Mu.

MAZMUR 79:6 ပူးပေါင်းရင်းမြစ်များ

MAZMUR 14:4

Guman i Tuhan, “Diádon degá noratak in intau mita tatua? Mosia in nobiag takin nogagow kon umat-Ku bo diábí kon dodai in onda in noigum pinongin sambayang kon i-Nakó.”

MAZMUR 145:18

Sia in modagin kon intau inta mokuani kon i-Nia, bo inta totu-totuu mopoigum kon i-Nia.

MAZMUR 53:4

Táe komintan intau ain nonoḻikud bo moromú diádon tobatúmai in intau in nogaid kon inta mopia.

MAZMUR 69:24

Biódon mako in mata monia mobilog bo ḻikud monia in tantúdon moḻemé.

YESAYA 42:25

Dá binaḻí-Nea in kita notarima kon torú-Nea inta motoyang, bo nororiga popisí in parang inta motoyang. Torú-Nea nomokak kon Israel naonda bo tuḷú, táe diá kinotaauan naton, bo diá nobalajar nongkon onu inta ain kinorasaan naton.

YEREMIA 10:25

Popotugatdon in torú-Mu kon bangusa mita inta diá mopirisaya kon ini-Mu bo inta doí mosumba kon ini-Mu. Sin mosia in noyopúdon kon umat-Mu komintan bo norimumud kon ḻipú nami.

YEREMIA 25:29

Akuoi in momangkoidon kon porimumudan tatua nongkon kotá-Ku tontaní. Dika modapot in mosia in moguman kon mosia in diábí hukumon. Mosia in notantú bidon kon hukumon sin Akuoi in mopoangoibí in parang kon bayongan in bangusa kon sinangkub in dunia. Akuoi, ki Tuhan Inta Totok in mokawasa, ain nosingog.

ZEPANYA 3:8

Táe pokoingat! Oḷatdon in singgainea simindog in Akuoi saḷaku intau inta mopongadu. Sin sinantú-kudon kon modondon kon bangusa mita bo dodatuan mita sin mopoḷabú in torú-Ku kon i monia. Bayongan in butá in modaitbí kaanon in tuḷú torú-Ku.

YOHANES 16:3

Tua in aidan monia kon inimu sin diápa kinotaauan monia in ki Amá andeka Akuoi.

YOHANES 17:25

Amá inta moadil! Diá kinotaauan in dunia naa in ki Amá, táe Akuoi in nonotaaubí kon i Amá bo intau mita tanaa in nonotaau bidon kon ki Amábí in nopotabá kon i-Nakó.

OUMAN IN RASUL MITA 17:23

Sin wakutu in akuoi nodondaḷoi kon kotámu tanaa, bo nonarukiramai kon tampat mita pososambayangan monimu kon naa, akuoi nokoontong doman kon tampat pobobogoian monimu kon sosumba; kon tampat tatua pinaisan nanaa, ‘Kon i Allah Inta Diá Kotaauan.’ Yo ki Allahbí inta diá kinotaauan monimu tuata in potaauku naa kon i monimu.

SURAT I PAULUS KON JAMAAT RUM 1:28

Bo lantaran irasa in intau kon diábí paraḷu in mosia monotaau kon i Allah, dá pinomayá bidon mako i Allah in kogoguyaatan in raian monia, sahingga in nogaidon mosia kon soaḷ mita inta pinoton aidan.

TESALONIKA 2 1:8

bo takin tuḷú inta kodoko-dokot. Sia in mamangoi mohukum kon intau mita inta diá mopirisaya kon i Allah bo inta doí mokidongog kon Habar Mopia i Yesus Kristus ki Tuhan naton.