MAZMUR 79:12 - Alkitab Singog In Mongondow Masa In Tanaa

¹² O Tuhan, tuḻíaidon in bangusa mita tatua kopitu noguntuḷ in kororiganea popisí in bayongan in singkuḻe monia kon ini-Mu.

MAZMUR 79:12 ပူးပေါင်းရင်းမြစ်များ

KINOBAḺIAN 4:15

Táe ki Tuhan in noguman, “Diábí. Aka iko Ḻimodon, dá tontuḻínea kon tua, pitu intau takin inta noḻimod kon inimu in ḻimodon doman.” Onda intua ki Tuhan nobogoi in tomponuot kon i Kain sinbá ki inekabí in moyodungkuḷnea yo diá moḻimod kon inia.

MAZMUR 44:16

Kinoouput in singgai akuoi empengon, bo oyá in moikaḷumbun kon inakó,

MAZMUR 74:10

Modapot in toonu, o Allah, musung in morebeg kon ini-Mu? Modapot degá in mononoi mosia in moningkuḻe kon tangoi-Mu?

MAZMUR 89:52

Musung-Mu mita in noningkuḻe kon datu inta piniḻí-Mu, o Tuhan, norebeg kon inia kon ondakabí in bayáannea.

AMSAL 6:31

Bo aka kodomokan in sia yo mustibí in sia moguboḻi kon tua kopitu nongkon tua, tuamai in sia mustibí kobuḻian in bayongan kaoyúonannea.

YEREMIA 32:18

Iko in nopoontong in tabi-Mu inta mononoi kon ribuan in intau, táe Iko in mohukum doman kon intau popisí in dosa in guranganea. Iko in Allah inta momulia bo motorindog; tangoi-Mu in Tuhan Inta Totok in mokawasa.

YEHEZKIEL 35:12

Dá kotaauandon monimu kon Akuoi, ki Tuhan, ain nokidongog kon singkuḻemu kon tungkuḷ in moiko noguman: Buḷud mita in Israel noingongowdon bo inogoidon nobaḻí kokaanon naton.

YEHEZKIEL 36:7

Akuoi, ki Tuhan Inta Totok in moḷantud in mongibot kon bangusa mita inta kon diugmu tua in singkuḻeonbí doman.

IMAMAT 26:21

Aka moiko umuranpa doman monoḻikud kon i-Nakó bo doí mokopotoindudui kon i-Nakó, dá hukumanmu in dugangan-Ku bui inta kobogatnea kopitu ná tatua.

IMAMAT 26:28

Dá tumorúdon totok in Akuoi poḷat mosambok kon i monimu, bo mohukum kon i monimu inta kobogat in hukuman tatua in kopitu nongkon ná inta ain pinopoaid-Ku kon i monimu.

LUKAS 6:38

Pobogoibí kon intau ibanea; sinbá ogoian doman i Allah in moiko moiḻiu kon inta inogoimu kon intau ibanea.”