MAZMUR 79:10 - Alkitab Singog In Mongondow Masa In Tanaa

¹⁰ Dika pomayá mako in bangusa ibanea in moḻibó soaḷ kami, “Kon onda in ki Allah monia?” Biódon mako in kami in mokoontong kon potuḻían kon bangusa mita inta noḻimod kon mogogundoi-Mu mita.

MAZMUR 79:10 ပူးပေါင်းရင်းမြစ်များ

MAZMUR 115:2

Nongonu sin bangusa mita in mustibí moguman, “Kon onda in ki Allah monia?”

MAZMUR 42:10

Akuoi in noguman kon i Allah, mododuḷuku, “Nongonu sin kinoḻiongan-Mubí in akuoi? Nongonu sin akuoi in mustibí umuran mobaba kon roriga, popisí in doroton in musungku mita?”

MAZMUR 42:11

Morimumudon totok in ginaku popisí in rebeg in musung. Mosia in tantúbí moḻibó, “Kon onda in ki Allahmu?”

MAZMUR 42:3

Akuoi in mokotanob kon i Allah inta nobiag, toonu in motaau in akuoi mayá moibada kon Baḷoi-Nea?

MAZMUR 42:4

Singgai doḷom mongombaḷ in akuoi, dongkadon ḷuá in mobaḻí kokaanonku. Kinoouput in singgai musungku in moḻibó, “Kon onda in ki Allahmu?”

MAZMUR 58:11

Mokoontong kon intau moraat hukumon, mopia in gina in intau motuḻid, bo momatá kon sioḷnea kon bonu in dugú in intau moromú.

MAZMUR 9:16

Bangusa mita inta diá nonotaau kon ini-Mu notopak kon bubú inta kinaḻi monia tontaní; mosia in noibaaḷ kon pukot monia tontaní.

MAZMUR 94:1

O Allah, Ikobí in ki Allah inta motuḻí, poontongdon in tontuḻí-Mu, o Tuhan.

IḶUAIAN 6:7

Moiko in diaan-Ku mayá in butá inta pinodandi-Ku takin nongibot kon i Abraham, kon i Ishak bo kon i Yakub; butá tatua in ogoi-Ku kon inimu mobaḻí kapunyaanmu tontaní. Akuoi naa in ki Tuhan.”

IḶUAIAN 7:5

Dá intau in Mesir monotaaudon kon Akuoi naa in Tuhan, kon dodai in Akuoi mohukum kon i monia bo modia kon Israel ḷumuai nongkon butá monia”.

YESAYA 64:1

Berakdon in ḷangit bo poponagdon, o Tuhan, baḻídon in buḷud mita modandú kon tayowon-Mu,

YEREMIA 51:24

Ki Tuhan in noguman, “Indoiaidon tontaní naonda in Akuoi in tanaa motuḻí kon Babel bo intaunea bayongan in aid moraat inta inaidan monia kon Yerusalem.

YEREMIA 51:35

Intau inta nogutun kon Sion, pogumandon, “Igumon mako Babel in kotugatan in ḻingá inta pinopoaidnea kon i naton!” Intau in Yerusalem, pogumandon, “Igumon mako Babel in koantugan in roriga inta pinoantugnea kon i naton!”

OMBAḶ 1:22

Taridiaidon in bayongan in aid moraat monia tua, bo aidaimaidon in mosia ná pinogogaid-Mu kon inakó, popisí in bayongan in dosa inta ain inaidanku kon ini-Mu. Mogongot in akuoi kon bonu in roriga, moajar in ginaku bo diá kotaauan mongo mayá in onda.”

YEHEZKIEL 36:23

Poniata-Kubí in kototusi in tangoi-Ku inta moḷoben tua, tangoi inta ain kinotor monimu kon yua-yuak in bangusa mita, dá kotaauandon monia kon Akuoibí in ki Tuhan. Akuoi, ki Tuhan Inta Totok in moḷantud ain nosingog. Pakéon-Ku in moiko kon moponiata kon bangusa mita kon Akuoi naa in motusi, ki Tuhan Inta Totok in motusi.

YOËL 2:17

Potabádon in imang mita inta nogundoi kon i Tuhan, mongombaḷ kon sigad in mezbah bo dangkuḷonnea kon muna, sindaḷan moguman, “Kotabipa kaasí in umat-Mu, o Tuhan; dika pomayá mako in kapunyaan-Mu tongososingkuḻe mako,” dá bangusa mita ibanea monigid poḷat moguman, “Kon onda in ki Allah monia?”

MIKHA 7:10

Dungkuḷmai musung in moningkuḻe kon i naton takin mosingog, “Kon onda degá in ki Tuhan, Allahmu tatua?” Táe tanaa mosia in mokoontongbí kon onu in aidan i Tuhan kon i naton, bo mobaḻíbí mooyá in mosia. Kita in moindoibí kon musung mita naton tatua in taḷowon bo rita-ritakan mako naonda bo yoná kon daḷan.

SURAT I PAULUS KON JAMAAT RUM 12:19

Utatku mita inta kinotabiku, donaai in moiko motagú kon sakí in gina bo monomayá monuḻí, pomayádon mako bain ki Allah in motuḻí. Sin kon bonu in Buk Motusi ain pinais nanaa: “Akuoibí in motuḻí. Hukumon-Kubí in sia, guman i Tuhan.”

ULANGAN 32:43

Ei bangusa mita, dayowdon in umat i Tuhan, sin ki Tuhan in mohukumbí kon bayongan inta noḻimod kon i monia. Sia in motuḻíbí kon musung-Nea táe mongampung kon dosa in umat-Nea.”

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!