MAZMUR 78:71 - Alkitab Singog In Mongondow Masa In Tanaa

⁷¹ nongkon tampat pinomiagan kon ki iná in domba, sin moḷukad kon Israel umat-Nea.

MAZMUR 78:71 ပူးပေါင်းရင်းမြစ်များ

KINOBAḺIAN 33:13

Ki Yakub in notubag, “Kinotaauanbí i Tuangku kon adí mita tanaa moyangkópa, bo mustiku ḷukadan doman in bobiagon mita inta kogadí kon mointokpa. Aka ḻimikat in modia kon i monia, umpaka tongá tosinggai, yo matoibí in bobiagon mita tanaa.

SAMUEL 2 20:19

Kotá nami Abel naa in moḷoben, tongobatú kotá inta nobiag notompia bo mosatia kon butá in Israel. Nongonu sin ḷongasionbí poguyaaton i Tuang? Moibog degá in ki Tuang momoguyaat kon butá kapunyaan i Tuhan?”

SAMUEL 2 24:17

Ki Daud in nokoontong kon malaekat inta koyogot moḻimod kon rayat, bo sia in noguman kon i Tuhan, “Akuoibí in binaradosa sin akuoibí in nomia kon taḷá tatua. Táe onu in taḷá in bangusa tatua? Hukumdon in akuoi bo motoḷuadíku!”

SAMUEL 2 5:2

Nongkon koḻipod, sedang bo kon tungkuḷpabí in ki Saul nomarentapa kon inami, ki Tuang doman inta nodia kon tontara in Israel pomuḷoi in mayá moparang, apa doman ki Tuhan ain nodandi kon i Tuang kon ki Tuangbí in mobaḻí itoi in umat-Nea bo mobaḻí datu monia.”

SAMUEL 2 7:8

Tuamai, Natan, potaau kon mogogundoi-Ku ki Daud, kon Akuoi, ki Tuhan Inta Totok in Mokawasa, noguman kon inia, ‘Iko in biningkat-Kudon nongkon oaidanmu moḷoḷukad kon domba kon tampatnea bo dinuí-Kudon nobaḻí datu kon umat-Ku Israel.

TAWARIKH 1 11:2

Nongkon koḻipodpabímai, sedang bo kon dodaipabí in ki Saul nomarentapa kon inami, ki Tuang Datubí in nobaḻí itoi in tontara in Israel pomuḷoi in mayá moparang. Apa doman ki Tuhan Allah i Tuang Datu in nodandidon kon ki Tuang Datubí in mobaḻí itoi in umat-Nea bo mobaḻí datu monia.”

MAZMUR 28:9

Posaḷamatdon in umat-Mu, o Tuhan, barakataidon in intau-Mu mita. Kobaḻídon naonda bo gombala kon i monia, bo ḷukadaidon in mosia modapot in mononoi.

YESAYA 40:11

Naonda bo gombala Sia in noḷukad kon paanan-Nea; Sia tontaní in mosipun kon i monia. Ki adí mita in domba koyotan-Nea, takin moḷukó in tosingogon Sia in modia kon i indenea mita.

MATIUS 2:6

Bo iko Betlehem, butá i Yohuda, iko in deemanbí totok in mointok kon sigad monia inta nomarenta kon Yohuda. Sin nongkon inimubí naa moisindog in tobatú intau inta mobaḻí itoi, Sia inta moḷukad kon bayongan umat-Ku kon Israel.”

PETRUS 1 5:2

ḷukadaibí monimu kopiaraan in domba i Allah inta ain pinosarakan kon i monimu. Ḷukadai takin sanang in gina ná inta kinoibog i Allah, dikabí tongá pakisa in gina. Bo dika doman mogaid kon oaidan tatua tongá sakadar motayak kon kauntungan tontaní, táe aidaibí intua sin lantaranbí moiko totu-totuubí moibog mopobayá in oaidan i Allah.

SAMUEL 1 10:1

Onda intua ki Samuel nogamá kon kendi inta kon bonu in ḷana zaitun, bo ḷana zaitun tatua pinopobutak kon uḷu i Saul, bo inayokannea in ki Saul poḷat noguman, “Ki Tuhan ain nopobaḻí kon inimu datu kon Israel umat-Nea. Iko in momarentabí kon umat-Nea bo moḷukad kon i monia nongkon musung mita monia. Naa in mobaḻí tomponuot kon inimu kon ki Tuhan in nomiḻídon kon inimu mobaḻí datu kon Israel umat-Nea: