MAZMUR 78:62 - Alkitab Singog In Mongondow Masa In Tanaa

⁶² Sinumorú in Sia kon umat-Nea, kapunyaan-Nea inta piniḻí-Nea, bo binió-Nea mako in mosia iḻimod in kedang.

MAZMUR 78:62 ပူးပေါင်းရင်းမြစ်များ

MAZMUR 89:38

Dodatuannea in umuranbí oyúon naonda bo buḷan, sakusi mosatia in kon goḷom mita.”

YESAYA 64:9

Dá dikadon tumorú totok, kaasí Tuhan, dikadon monoro-norop kon dosa nami; indoiaidon kaasí in kami naa umat-Mu.

YEREMIA 12:13

Umat-Ku in momuḷa kon gandum, táe dugidon in sinipú. Mosia in rumoriga in mogaid táe diá in bungai in siniḷopíannea. Akuoi in sinumorú totok dá bungai in boyó monia diá nopia.”

YEREMIA 12:7

Ki Tuhan in noguman, “Pogogutunan-Ku in diá bidon pandungon-Kumai, butá inta nobaḻí kapunyaan-Ku in sinaḷáan-Kudon, bo umat-Ku inta kinotabi-Ku aindon inogoi-Ku kon bonu in kawasa in musungnea mita.

SAMUEL 1 4:2

Tontara in Pilistin nomangkoidon nonubu, bo naonda in nomangkoidon noparang totok, tontara in Israel sinaḷow bo degá opatmai noribu in minatoi kon pinoparangan tatua.