MAZMUR 78:58 - Alkitab Singog In Mongondow Masa In Tanaa

⁵⁸ Mosia in noponontot kon i Allah in tampat pososumbaan kon berhala, bo pinointoi monia in Sia in patong mita monia.

MAZMUR 78:58 ပူးပေါင်းရင်းမြစ်များ

DATU MITA IMITÁNEA 11:7

Kon tudu in buḷud kon dotá in pomukaan kon Yerusalem, noposindog in sia in tampat posumbaan kon i Kamos, dewa in intau Moab, bo kon i Molokh, dewa in intau Amon – doyowa tatua tumpaḷa dewa inta mokorongó.

DATU MITA IMITÁNEA 12:31

Ki Yerobeam in noposindog domandon in tampat pososumbaan ibanea kon tudu mita in buḷud, bo noduí doman in sia kon imang mita nongkon sigad in motoḷuadí mita inta deeman suku in Lewi.

DATU MITA 2 17:9

bo nogaid kon inta diá inogoi i Tuhan Allah monia aidan. Noposindog in mosia in tampat pososumbaan kon dewa kon bayongan in kotá monia, pinomayá kon kotá mointok andeka kon kotá moḷoben.

DATU MITA 2 21:7

Lambang i Dewi Asyera in sinagúnea kon bonu in Baḷoi Tuhan, bokaka soaḷ tampat tatua ki Tuhan in nogumandon kon i Daud bo kon i Salomo ki adínea ḷoḷaki, “Baḷoi-Ku bo Yerusalem naa, inta ain piniḻí-Ku nongkon sigad in butá in suku in Israel inta mopuḷú bo doyowa, in tampat inta ain sinantú-ku mobaḻí tampat pooibadaan kon i-Nakó.

TAWARIKH 2 21:11

Nodapotbí in sia noposindog in tampat mita pososumbaan kon berhala kon butá in buḷud in Yohuda, bo nokopopisí kon rayat in Yohuda bo Yerusalem binaradosa kon i Tuhan.

MAZMUR 79:5

O Tuhan, degá modapot in mononoi tumorú in Iko, bo intoi-Mu in moborambang naonda bo tuḷú?

MAZMUR 97:7

Bayongan in intau inta mosumba kon berhala in pokopooyáanbímai, inta nopoyunggaga kon pakakat mita inta diá in mangaḻenea; bayongan in dewa in dumokóbí kon tayowon i Tuhan.

IḶUAIAN 34:14

Dika mosumba kon ilah ibanea, sin Akuoi ki Tuhan, in Allah inta doí potongkaion in onukabí.

YEREMIA 8:19

Indongogai! Kon sinangkub in butá kodongogan totok karak in ombaḷ in bangusaku inta moḻibó, “Diádon degá in ki Tuhan kon Sion? Kon onda in datunea in tanaa?” Tubag i Tuhan, datu monia, “Nongonu sin iko in tumungkudbí mosumba kon dewa mita inta beresibí diá in mangaḻenea? Nongonu sin pinonakitmubí in gina-Ku pinongin nosumba kon berhala mita?”

HOSEA 13:2

Dapot in tanaa intau mita in Epraim tatua in tantúpa doman mogaid kon dosa; mosia in mogaid kon patong mita saḷaka sin sumbáan – patong inta sinomayá in raian in intau bo inta pinomia in ḻima in intau. Mosia in noguman, “Posumbadon in kuruban kon patong mita tanaa!” Mokoherang, intau in mongayok kon patong in ki adí in sapi!

IMAMAT 26:30

Rimumudon-Kudon in tampat mita pososumbaanmu kon tudu in buḷud mita, mogumpag kon mezbahmu mita tampat pototubáan kon dupa, bo mopogambat in mayat mita monimu kon tudu in toḻindua mita in Tuhanmu inta ain noumpag tatua. Takin yaat in gina

PINOGIAPAN 33:52

moiko musti mopoguntun in intau inta nogutun kon butá tatua. Yompatdon in bayongan berhala monia inta nongkon batu bo logam takin tampat mita pooibadaan monia.

KORINTUS 1 10:22

Ande degá mopoterengbí kon i Tuhan? Eta kita in moropo-ropot in ki Tuhan?

ULANGAN 12:2

Naonda in moiko tumuot kon butá tatua musti rimumudon monimu in tampat mita pososumbaan kon tudu in buḷud mita moḷantud, kon buḷud mita moompá bo kon kayu mita inta mongobambar, tampat pososumbaan in bangusa mita tatua kon ilah mita monia.

ULANGAN 12:4

Kon dodai in moiko mosumba kon i Tuhan Allahmu, dikabí dumayan kon pososumba in intau mita tatua kon ilah mita monia.

ULANGAN 27:15

Intau mita in Lewi: ‘Kinutuk in intau mita inta mogaid kon patong nongkon batu, kayu ande logam, bo sumbaannea umado-adop; ki Tuhan in doíbí kon posumbaan kon toḻindua in Allah!’ Bayongan rayat: ‘Amin!’

ULANGAN 32:21

Pinomia monia in Akuoi nointoi kon inta deeman Allah, bo sinumorú kon patong in berhala monia. Dá binaḻí-Ku in umat-Ku nointoi kon inta deeman bangusa-Ku, bo sinumorú kon bangusa inta pompuḷong.

HAKIM MITA 10:6

Umat in Israel buidon nomia kon dosa kon i Tuhan. Mosia in diádon noindoimai kon i Tuhan bo doí domandon nosumba kon i Tuhan. Mosia in nosumbadon kon dewa mita i Baal bo Asytoret, bo dewa doman in bangusa in Siria, Sidon, Moab, Amon bo Pilistin.

HAKIM MITA 2:17

Táe diábí indoianmai monia in itoi mita tatua. Mosia in umuranbí nosumba kon ilah mita ibanea, bo diá doman mosatia kon i Tuhan. Mosia in diábí dinumudui kon oaid mopia in mogoguyang monia inta mongotoḷutui kon parenta mita i Tuhan.

HAKIM MITA 2:20

Manangka intua ki Tuhan sinumorúdon totok kon umat in Israel, bo noguman, “Akuoi in nogumandon kon mogoguyang in bangusa tanaa sinbá umuran kumadai kon dodandian-Ku takin i monia. Táe bangusa tanaa in nomontowdon kon dodandian tatua; mosia in iḻimimpat kon parenta-Ku.

HAKIM MITA 3:19

Táe ki Ehud tontaní in nogogai naonda in nodapot in batu mita inta sinokokurig kon diug in Gilgal, bo nobui minayá kon i Eglon. Kon dodai intua ki Eglon kon bonu in gopot inta moonow kon ḷundukan kon ḻimonik in komaḻignea. Guman i Ehud kon i Eglon, “Tuangku Inta Momulia! Ki atamu naa in nodia kon habar inta tongá ki Tuangku in motaau monotaau.” Dá ki datu noguman, “Oḷatpa muna,” bo sia nopotabá kon bayongan in bobantungnea iḻumuai nonaḷámai kon inia bo kon i Ehud. Onda intua, ki Ehud dinimiug kon i datu inta iḻimitú mako, bo noguman, “Oyúon in habar nongkon i Allah kon i Tuangku!” Nokodongogmai kon natua, sinimindog in ki datu.