MAZMUR 78:39 - Alkitab Singog In Mongondow Masa In Tanaa

³⁹ Kinotoropan-Nea kon mosia in tongábí mahaḷuk inta mato-matoi, naonda bo tompot inta noitaḻib bo diá bidon mobui mangoi.

MAZMUR 78:39 ပူးပေါင်းရင်းမြစ်များ

KINOBAḺIAN 6:3

Dá ki Tuhan in noguman, “Diábí ogoi-Ku in intau mobiag mononoi; mosia tua in mahaḷukbí ilo-ilow, inta musti matoi. Nongkon tanaa mako umur monia in diá bidon moiḻiu kon mogatut bodoyowá nopuḷú notaong.”

AYUB 10:9

Toropdon kon nongkon butá ḷamentong Pinomia-Mu in akuoi! Umpaka yo baḻíon-Mu bui in akuoi ḷobud?

AYUB 7:16

Moḷopí bo mobú in akuoi in mobiag; moibogdon in akuoi in matoi! Pomayádon mako in akuoi, sin diá in mangaḻe in kinobiaganku.

AYUB 7:7

Toropdon, o Allah, kobiaganku in tongábí tompot poginaan; kobiaganku inta mopia in nobuḻi, diá in toimpaḷot.

YOHANES 3:6

Aka awak naa pinolahirbí in guyanga, táe aka secara rohani yo pinolahirbí in Roho i Allah.

YAKOBUS 4:14

Onu in mobaḻí kon kobiaganmu ikoḷom, diábí doman kinotaauanmu tontaní! Moiko nion in tongábí naonda bo poyok inta koontongan motoyong, onda intua diádon.