MAZMUR 78:36 - Alkitab Singog In Mongondow Masa In Tanaa

³⁶ Táe mosia in nongakaḷ kon i-Nia, tosingogon mita monia komintan uboḷ.

MAZMUR 78:36 ပူးပေါင်းရင်းမြစ်များ

MAZMUR 18:44

Pinoḷuat-Mu in akuoi kon inanakan inta moraat, bo binaḻí-Mu in akuoi mongongawasa kon bangusa mita; bangusa inta diá kinotaauanku in nobaḻí bobantungku.

YESAYA 29:13

Ki Tuhan in noguman, “Intau mita tatua in tongábí mosumba kon i-Nakó pongin tosingogon, táe gina monia in moyayúbí kon i-Nakó. Agama monia in tongábí atorang in intau inta ihapal.

YESAYA 57:11

Ki Tuhan in noguman, “Ki ine in dewa mita tatua inta nopobaḻí kon i monimu moondok, dá moiko in monguboḷ bo diádon mokotorop kon i-Nakó? Eta degá moiko in diádon mosumba kon i-Nakó popisí in Akuoi noonggot totok in kibio-biómai?

YEHEZKIEL 33:31

Mosia in namangoi moyo-moyokapung bo saḷaku umat-Ku ḻimitú in mosia mokidongog kon tosingogonmu mita, táe onu in pokiaidmu diábí duduian monia. Bibig monia in moguman kon tosingogon mita motabi, táe gina monia in tongábí morai kon kauntungan.

HOSEA 12:1

Ki Tuhan in noguman, “Bangusa in Israel iḻimibu kon i-Nakó pinongin uboḷ bo tompobaḻik; bangusa in Yohuda umuran moḷawang kon i-Nakó, ki Allah Inta Mokudus bo inta mosatia.

HOSEA 12:2

Bayongan yagi-yagi inta pinomia in intau in Israel nongkon doḷo-doḷom nodapot in doḷom diá in mangaḻenea bo sipatnea in moyopúbí naonda bo tompot nongkon pomukaan. Aid motombogá bo moḻingá kodugang-kodugang kon sigad monia. Mosia in nomia kon dodandian noyotakin i Asyur bo nodia kon ḷana minayá in Mesir nobaḻí tomponuot yoyobayatan.”

MIKHA 6:12

Intau mita inta nooyúon kon kotámu in mondorot kon intau nobogá, bo moiko komintan in mongopopak.