MAZMUR 78:21 - Alkitab Singog In Mongondow Masa In Tanaa

²¹ Nokodongogmai kon tua, sinumorú in ki Allah bo sinubu-Nea in tuḷú in umat-Nea; torú-Nea kon i monia totokdon in sinumagab,

MAZMUR 78:21 ပူးပေါင်းရင်းမြစ်များ

MAZMUR 78:31

sinumorú in ki Allah bo noḷawang kon i monia; iḻimod-Nea in intau mita in Israel inta nobagupa bo inta motorindog.

YESAYA 63:10

Táe mosia in nomarontak bo nokoajar kon gina i Tuhan. Dá nomurow in Sia bo nobaḻí musung monia Sia tontaní in noparang noḷawang kon i monia.

PINOGIAPAN 11:10

Kinodongogan i Musa in gomong-gomot in intau mita Israel tatua, inta sinimindog nokapu-kapung kon tayowon ḷoḷaigan monia. Bo nomukádon in torú i Tuhan dapot in noajardon totok in gina i Musa.

KORINTUS 1 10:11

Tua komintan ain noiantug kon i monia saḷaku contoh kon intau mita ibanea. Bo komintan tua in pinaisbí doman sin mobaḻí tompoingat kon i naton kon singgai tumi inta ain nodiug.

KORINTUS 1 10:5

Táe umpaka natua yo nobayongbí doman in kon sigad monia tua in kinodoí i Allah. Tuamai in nobarong kon sigad monia in minatoi kon padang gurun.

ULANGAN 32:22

Torú-Ku in moborambangdon naonda bo tuḷú inta momokak modapot kon dunia in intau minatoi. Tuḷú tatua in momokak kon bayongan in butá takin tombonunea, bo buḷud mita modapot in kon uakatnea mita.

IBRANI 12:29

Sin ki Allah naton in naonda bo tuḷu inta mokopokak.

YUDAS 1:5

Tua komintan in kinotaauan bidon monimu. Tongá moibogpa doman in akuoi moponorop kon i monimu kon soaḷ naonda in ki Tuhan noposaḷamat kon umat Israel nongkon butá in Mesir, táe noiduduimai kon tua pinutúan-Neadon in intau mita kon sigad monia inta diá mopirisaya.