MAZMUR 78:16 - Alkitab Singog In Mongondow Masa In Tanaa

¹⁶ Tombuḷud batu pinotabá-Nea nopoḷuai in tubig, bo nopoiḻig magí in tubig naonda bo ongkag.

MAZMUR 78:16 ပူးပေါင်းရင်းမြစ်များ

MAZMUR 105:41

Binotak-Nea in buḷud batu, bo noitampurangdon mangoi in tubig inta noiḻig naonda bo ongkag kon padang gurun.

MAZMUR 107:35

Padang gurun binaḻí-Nea tabang, butá noingkag binaḻí bokaká.

MAZMUR 114:7

Ei butá, kourotdon in kon tayowon i Tuhan, kon tayowon i Allah Yakub,

MAZMUR 114:8

inta nomaḷui kon batu karang nobaḻí tabang, bo buḷud batu nobaḻí bokaká in tubig.

HABAKUK 3:9

Puḷu in piot-Mu in sinadia-Mudon, piot-Mu aindon sinadia popopiot. Bo butá in binotak-Mu nobaḻí ongkag mita.

PINOGIAPAN 20:8

“Gamá in tungkud inta kon tayowon in Poti Dodandian, bo kamunda i Harun musti mosipun kon bayongan umat. Kon tayowon monia komintan, iko musti moguman kon buḷud batu inta kon tua sinbá moporoput magí in tubig. Natuata in iko mopoḷuai in tubig nongkon buḷud batu tatua sinbá oyúondon in ponginuman in umat bo bobiagon monia.”

ULANGAN 8:15

Ki Tuhan nodia kon i monimu nongin padang gurun inta nobendar mako bo inta motoyang, inta mobayong in uḷag mobisa bo bambau. Kon butá inta moingkag diá in tubig binaḻí-Nea in tubig iḻumuai nongkon batu, sinbá moiko motaau monginum dapot in moguḻí in yogangmu.

ULANGAN 9:21

Patong sapi inta pinomiamu, pinogambatku kon bonu in tuḷú. Bo irimumudku bo dinodok nodapot in noyimok totok naonda bo ḷobud, bo ḷobud tatua pinogambatku kon bonu in tapá inta noiḻig nongkon buḷud tatua.