MAZMUR 78:15 - Alkitab Singog In Mongondow Masa In Tanaa

¹⁵ Binotak-Nea in buḷud batu kon padang gurun, bo nopoinum kon i monia nodapot in noiḻiu kon noguḻí in rogang.

MAZMUR 78:15 ပူးပေါင်းရင်းမြစ်များ

MAZMUR 105:41

Binotak-Nea in buḷud batu, bo noitampurangdon mangoi in tubig inta noiḻig naonda bo ongkag kon padang gurun.

MAZMUR 114:8

inta nomaḷui kon batu karang nobaḻí tabang, bo buḷud batu nobaḻí bokaká in tubig.

IḶUAIAN 17:6

Akuoi in simindog kon tayowonmu kon tudu in batu moḷoben tobatú kon Buḷud in Sinai. Porotdon in batu tatua, dá tubig in ḷumuai bo intau mita motaaudon monginum.” Inaidan i Musa in natua koonto-ontong in itoi mita Israel.

YESAYA 41:18

Baḻíon-Ku in ongkag mita moiḻig kon tombuḷud mita inta noḷogat; Bokaká in momukábí kon yuak in toba. Padang gurun in baḻíon-Ku tabang; tubig in moitampurangbí nongkon butá inta moingkag.

YESAYA 43:20

Biag kaḻig in mohoromatbí kon i-Nakó; serigala bo ḷagapan unta in modayowbí kon i-Nakó sin Akuoi in nogiḻig kon tubig kon padang gurun, bo ongkag mita kon rawang kayuon sin mopoinum kon umat inta piniḻí-Ku.

YESAYA 48:21

Kon tungkuḷ in Sia nodia kon i monia nongin butá inta diá in tonsiungnea, mosia in diábí irumogang. Ki Tuhan in nomotak kon buḷud batu bo nopoiḻig in tubig, nongkon batu pinotampurangnea in tubig kon i monia.

PINOGIAPAN 20:11

Bo ki Musa notonggó kon tungkud tatua bo nomorot kon buḷud batu tatua kodua. Dá noiroputdon magí in tubig norogot totok, dá bayongan intau bo bobiagon nonginumdon kon tua.

KORINTUS 1 10:4

bo nonginum kon tubig inta ain doman sinantú kon inumon monia. Mosia komintan in nonginum kon tubig nongkon buḷud batu inta umuran kotaki-takin monia; buḷud batu tatua in ki Kristus.

WAHYU 22:1

Bo malaekat tatua in nopoontong doman kon inakó in ongkag inta mobogoi in kobiagan. Ongkag tatua in nosilang totok naonda bo kristal inta moiḻig nongkon tampat pomomarentaan i Allah bo i Adí in Domba tatua,

WAHYU 22:17

Roho i Allah bo Nonikaan Bobay in noguman, “Koḻigai!” Ki ine in nokodongog kon naa musti moguman doman, “Koḻigaidon!” Ki ine in moyogang, pogamádon in sia kon tubig inta mobogoi in kobiagan tatua, bo diábí uboḻian.