MAZMUR 77:19 - Alkitab Singog In Mongondow Masa In Tanaa

¹⁹ Gotup mondoradá, kilat in moburiang mako, butá modandú bo mourot.

MAZMUR 77:19 ပူးပေါင်းရင်းမြစ်များ

SAMUEL 2 22:8

Bo butá nodandú bo nogugur, sipangkoion mita in buḷud nodandú bo nouyot popisí in torú i Allah!

NEHEMIA 9:11

Sinbá oyúon in bayáan in umat-Mu, dagat binotak-Mu; Pinopoḷoḷan-Mu in mosia nongin gantog in dagat inta modaḷom, naonda bo batu inta noitaḷom kon dagat inta mokoondok.

AYUB 23:14

Sia in mogaidbí kon onu in tomayá-Nea kon inakó, bo koḻikud intua nobayongpabí in tomayá-Nea.

AYUB 36:29

Diá tobatúmai in nonotaau kon bobayá in goḷom mita bo singog in gotup kon ḷangit tampat pinogutunan i Allah.

MAZMUR 104:32

Inindoian-Nea in butá bo pinomia-Nea nourot, buḷud mita iḻiai-Nea, dá iḻumuai in poyoknea.

MAZMUR 29:10

Ki Tuhan in nongawasa kon ḷunud moḷoben, Sia in nongawasa saḷaku Datu modapot in mononoi.

MAZMUR 97:2

Sia in iḻipung in goḷom bo sindip; kooadil bo hukum in nobaḻí dodoyonan in pomarentaan-Nea.

MAZMUR 97:4

Kilat-Nea in nonimbayag kon dunia, butá nogugur in nokoontong kon i-Nia.

IḶUAIAN 14:28

Tubig in dagat noyobui bo noḷingkum kon kereta mita, intau mita inta nodia, bo bayongan tontara in Mesir inta nogaḷow kon intau in Israel kon yuak in dagat, dapot in mosia nodait minatoi.

IḶUAIAN 19:18

Buḷud in Sinai tatua komintandon kinokoḷoban in poyok, sin ki Tuhan noponag kon tudunea kon bonu in tuḷú. Poyok tatua nodondon naonda bo poyok pinonuruban, bo bayongan buḷud nodandú totok in noropot.

HABAKUK 3:15

Takin kabaḷo-Mu iritakan-Mu in baḷangon bo dagat inta nobudó in nonomburá.

SURAT I PAULUS KON JAMAAT RUM 11:33

Totuu motoyang tabi i Allah! Totuu doman moḷoben in kabijaksanaan bo pongotahuan-Nea! Ki inebí in mokotaridi kon kaputusan-Nea mita tatua? Ki ine doman in momangarti kon pogogaid-Nea?