MAZMUR 76:8 - Alkitab Singog In Mongondow Masa In Tanaa

⁸ Totuubí kon motoyang in Iko! Aka tumorú in Iko, ki ine in mokoigon?

MAZMUR 76:8 ပူးပေါင်းရင်းမြစ်များ

DATU MITA 2 22:13

“Bayádon poḻibó kon i Tuhan sin kopontinganku bo kopontingan in bayongan in rayat in Yohuda soaḷ tombonu in buk tanaa. Ki Tuhan in sinumorú kon i naton sin mogoguyang naton in diá nopobayá in parenta mita inta pinais kon bonunea.”

TAWARIKH 1 16:25

Sin moḷobenbí in ki Tuhan bo dinayow totok; Sia in mustibí koondok moiḻiu kon bayongan in dewa.

TAWARIKH 1 16:30

Kourotdon kon tayowon-Nea, ei bayongan in intau kon dunia! Butá in noroton diá kodandúan.

NEHEMIA 1:5

“Oo Tuhan Allah inta nongawasa kon soroga. Iko in Allah Inta Moḷoben bo kami in tumayow kon ini-Mu takin moondok totok. Iko in tantúbí mosatia bo nokadai kon dandi-Mu kon intau mita inta motabi kon ini-Mu bo motoindudui kon parenta-Mu.

MAZMUR 46:10

Sia in nopogogai in parang kon sinangkub in dunia, piot bo pandong irimumud-Nea, kaḻeaw noḻimbung in sinubá-Nea.

IḶUAIAN 19:10

Naa in bayádon pokipodungkuḷai in intau mita tatua, bo potabádon in mosia singgai naa bo ikoḷom mosadia sin moibada. Mosia in musti momatá kon pakeang monia.

YEREMIA 10:10

Táe Iko, Tuhan, Allah inta mobanar, Ki Allah in mobobogoi in kobiagan, datu mononoi. Aka Iko tumorú, modandú in dunia, aka Iko rumogi yo bangusa mita in diábí mokotongod. (

YEREMIA 49:19

Naonda bo singa inta noitukat magí nongkon kayuon moromon kon diug in Ongkag in Yordan bo namangoi in rawang pinopokaanan kon domba, natuata in Akuoi mamangoi bo baḻíon-Ku in intau in Edom baḷú moḷagui nongkon butá monia. Bo piḻíon-Ku in itoi tobatú sin momarenta kon bangusa tatua. Ki ine degá in motaau potongkaion kon i-Nakó? Ki ine in mokobaḻí mopelekara takin-Ku? Degá oyúon in itoi in motaau moḷawang kon i-Nakó?

NAHUM 1:6

Ki ine in mokotongod aka ki Tuhan tumorú? Diábí in moipaḷuput nongkon torú-Nea! Sia in moponiata in torú-Nea inta modokot batu in morimumud bo mobaḻí ḷobud kon tayowon-Nea.

HABAKUK 2:20

Ki Tuhan in kon bonu in Baḷoi-Nea inta motusi; maníka bayongan in intau kon dunia naa in kibio-biómai kon tayowon-Nea.

ZAKHARIA 2:13

Kibio-biómaidon in moiko komintan kon tayowon i Tuhan! Sin Sia in nobuatdon nongkon tampat pinogutunan-Nea kon soroga.

HAKIM MITA 5:20

Tundi mita sinumakin doman noparang nonayow kon i Sisera, nongkon tampat monia kon toḷungayá.