MAZMUR 76:6 - Alkitab Singog In Mongondow Masa In Tanaa

⁶ Intau mita mobarani ain pinogagowan; mosia in noisiug bidon bo diádon mobangon bui. Tontara mita inta mongotorindog noinggamádon in ropotnea.

MAZMUR 76:6 ပူးပေါင်းရင်းမြစ်များ

SAMUEL 2 10:18

Táe sinaḷow in intau Israel in tontara in Siria nodapot in inumundok. Ki Daud takin tontaranea nokoḻimod kon 700 in intau inta sinumakoi kon kereta in parang, bo 40.000 in tontara inta sinumakoi kon kabaḷo; koḻikud intua ki Sobakh tongguḷu totokan in tontara in musung sinompaḻíandon nodaḷom dá minatoi kon tampat pinoparangan.

DATU MITA 2 19:35

Doḷom doman tua malaekat i Tuhan in namangoi kon pinononḷoḷaigan in intau in Asyur, bo noḻimod kon 185.000 in tontara. Nobangon monik doḷo-doḷom mayat mita monia tatua in noiyayitdon magí mako.

TAWARIKH 2 32:21

Bo ki Tuhan in nopotabá mangoi in malaekat inta noḻimod kon tontara mita bo porwira mita in Asyur tatua. Sidia in oyá totok nobuidon in ki datu Asyur kon butánea. Kon singgai tobatú kon dodai in sia kon bonu in baḷoi in dewanea, tongonumai nongkon i adínea mita in namangoi nonibat in pitow kon inia.

MAZMUR 104:7

Kon dodai in ginuakan-Mu, tubig tatua noiḻig, noiḻig notorú popisí in doḷodok in singog-Mu.

MAZMUR 18:15

Sia in nopopiot in piot-Nea mita bo noporarit in musung; Sia in nopotampí in kilat nopobui-buimai, bo nodapot in mosia noḷagui.

MAZMUR 80:16

Posaḷamatdon in umat inta naonda bo pangkoi in anggur ain pinomuḷa-Mu tontaní, bo tokat in anggur inta binaḻí-Mudon noropot.

IḶUAIAN 15:1

Bo ki Musa takin intau mita in Israel nopodondong in dondong tanaa sin modayow kon i Tuhan, “Akuoi in moibog modondong kon i Tuhan, sin moḷobenbí in kawasa-Nea. Bayongan in kabaḷo bo intau inta sinumakoi pinogambat-Nea kon bonu in dagat.

IḶUAIAN 15:10

Táe tongá pinoginaan i Tuhan komintan nokopoangoi kon singgai nokobodito kon intau in Mesir. Mosia in noḷomot naonda bo tangat inta mobogat kon bonu in tubig inta mondangat.

IḶUAIAN 15:21

Ki Miryam nonongganut kon i monia nodondong, “Podondongdon kon i Tuhan, sin Sia in mokawasa totok. Bayongan in kabaḷo bo mododianea pinogarab-Nea kon bonu in dagat tatua.”

YESAYA 37:36

Doḷom doman tua malaekat i Tuhan namangoi kon pinononḷoḷaigan in intau in Asyur bo noḻimod kon 185.000 in tontara. Nobangon monik doḷo-doḷom mayat mita monia noiukat magí mako.

YEREMIA 51:39

Bo ibog monia mokaan in moḷobendon totok, Akuoi in mosadiabí kon pongaanan monia, bo poḷoḷanguon-Ku in mosia bo mopusing moidapot in moḷoḷot bo diádon mopobango-bangon bui.

YEREMIA 51:57

Akuoi in mopoḷoḷangubí kon pojabat in pomarenta in Babel--intau mita mongopandoi, itoi bo tontara. Mosia in diá bidon mopobango-bangon bui, moḷoḷot modapot in mononoi. Akuoi in nosingogdon; Akuoibí in datu, Akuoi in Tuhan Inta Totok in mokawasa.

YEHEZKIEL 39:20

Kon meja-Ku mosia in motaaubí in mopobotug in sian monia takin mokaan kon bayongan in kabaḷo bo tumotakoinea bo takin doman intau mita inta noduḷu noparang. Akuoi, ki Tuhan Inta Totok in moḷantud ain nosingog.”

NAHUM 1:6

Ki ine in mokotongod aka ki Tuhan tumorú? Diábí in moipaḷuput nongkon torú-Nea! Sia in moponiata in torú-Nea inta modokot batu in morimumud bo mobaḻí ḷobud kon tayowon-Nea.

NAHUM 2:13

“Akuoi naa in musungmu,” guman i Tuhan Inta Totok in mokawasa. “Keretamu mita in tubáan-Ku komintan. Prajuritmu in matoi kon poparangan, bo gamáan-Kubí in bayongan yagi-yagi inta ain ginamámu nongkon intau ibanea. Onu in sinuntut mita in intau pinotabámu in diá bidon kodongogan.”

NAHUM 3:18

Ei datu in butá in Asyur! Gubernurmu mita in minatoidon, bo bupatimu mita in noisiugdon diádon moibango-bangon. Rayatmu in noiraritdon kon buḷud mita, bo diá tobatúmai in intau in mokopodia kon i monia mobui mangoi.

ZAKHARIA 12:4

Kon singgai tatua bayongan in kabaḷo potoboḻinguon-Kubí bo tumotakoinea mita in pobundaion-Ku, intau in Yohuda in ḷukadan-Ku, táe bayongan in kabaḷo in musungnea in bilogan-Kubí.

SAMUEL 1 26:12

Dá ki Daud nogamádon kon pandong bo tampat in tubig i Saul tatua inta kon uḷuan i Saul, bodongka minayá. Diábí tobatúmai in intau in nokoontong kon tua andeka nonotaau kon onu inta nobaḻí, andeka noibangon, sin pinopoḷoḷotdon i Tuhan in mosia komintan.