MAZMUR 74:3 - Alkitab Singog In Mongondow Masa In Tanaa

³ Ritakaidon in tampat inta ain nobaḻí apug; bayongan inta kon Baḷoi-Mu ain irimumud in musung.

MAZMUR 74:3 ပူးပေါင်းရင်းမြစ်များ

DATU MITA 2 25:9

Ki Nebuzaradan in nonurub kon Baḷoi Tuhan, komaḻig in datu, bo bayongan in baḷoi in intau mita inta ihoromat kon Yerusalem.

NEHEMIA 1:3

Inouman monia kon intau mita inta nokoimontandon iḷumbú inta ain nobui kon butá tatua, tanaa in nobiag nororiga bo siningkuḻe in bangusa mita ibanea inta kon diugneamai. Apadoman, dinding mita in kotá in Yerusalem norimumudpa posiyayit bo bonawangnea mita in diápa sinompia pinangkoipa kon sinurub mako kon tungkuḷ intua.

NEHEMIA 2:13

Nodoḷompa in dodai intua, kon tungkuḷ in kami nonaḷámai kon kotá nongin Bonawang Ḷopá kon dotá in toyopan. Kami in nopobayá ná toḷatan, minayá ná Bonawang Yoyatan, nongin Bokaká in Naga. Kon binayáan tatua akuoi in nonaridi kon dinding mita in kotá inta nogoguyaat bo inontongku doman in bonawang inta ain nodait kinaan in tuḷú.

NEHEMIA 2:3

bo notubag, “Mobiagdon in ki Tuang modapot in mononoi! Naondabí in bobantung diá moajar in gina, aka kotá pinoḷobongan kon mogoguyang in bobantung tanaa in dongkadon goguraatnea mita bo ḷoḻingkop mita in bonawangnea ain doman nogoguyaat pinokak in tuḷú.”

MAZMUR 44:23

Popisí in dinumudui kon ini-Mu dá kami in umuranbí gogondokon in popatoi, bo pinomia naonda bo domba inta rorataan.

MAZMUR 44:26

Kami in noḷabú bo norimumud kon butá, noiboḻingkayang kon ḷobud popisí in kotaḷá.

MAZMUR 79:1

Mazmur i Asap. O Allah, bangusa inta diá nonotaau kon ini-Mu ain iḻimitú kon butá budel-Mu. Mosia in noponajisdon in Baḷoi-Mu, Yerusalem in binaḻídon apug,

YESAYA 10:6

Akuoi in nopotabá mangoi kon Asyur sin monubu kon bangusa-Ku inta nonaḷámai kon i-Nakó bo nopomuká kon torú-Ku. Akuoi in nopotabá in Asyur sin mogagow bo monakow bo moritak kon bangusa-Ku naonda bo ḷobud kon daḷan.”

YESAYA 25:10

Ki Tuhan in moḷukadbí kon Buḷud in Sion, táe Moab in ritakanbí naonda bo wawa kon yoyatan.

YESAYA 61:4

Mosia in moposindogbí in kotá mita inta ain noonggot in norumbun bo moposindog bui in tampat mita inta ain noonggot in noingongow.

YEREMIA 52:13

Ki Nebuzaradan in nonurub kon Baḷoi Tuhan, komaḻig in datu, bo baḷoi in bayongan intau inta tongganut mita kon Yerusalem.

OMBAḶ 1:10

Bayongan in kapunyaannea ain inagow in musungnea mita. Nodapot in sia in nokoontongbí tontaní in sinuotan monia kon bonu in Baḷoi i Allah, aid tobatú inta kinodoí i Tuhan aidan in intau inta deeman umat-Nea.

DANIEL 11:31

Bo sia in nokidia in tontara mita inta nokokotor kon Baḷoi i Tuhan. Mosia in momopatbí kon kuruban muḷoi in singgai bo moposindog in inta mokokoningkim inta sinangoian Aid moraat inta mokorimumud.

DANIEL 9:17

O Allah nami, indongogaipa kaasí in sambayang bo oigumku. Pomiadon bui in baḷoi-Mu inta ain iyompat tatua, tompiadon sinbá bayongan in intau monotaau kon Ikobí in ki Allah.

DANIEL 9:27

Datu tatua in momiabí kon dodandian moropot takin mobayong in intau pitu notaong in koonggotnea. Kon ruak in wakutu inta sinantú tatua, sia in mopogogaibí in mobogoi in kuruban bo sosumba. Onda intua inta mokokoningkim inta sinangoian Aid moraat inta mokorimumud in ukatonbí kon Baḷoi Tuhan bo umuranbí kon tua modapot in sia inta nogukat kon tua koḷabúan in koyopúan inta ain sinantú i Allah kon inia.”

MIKHA 1:3

Sia in noponag nongkon pinogutunan-Nea inta motusi bo maya-mayá kon tudu in buḷud kon butá.

MIKHA 3:12

Popisí in aid moraatmu tatua, dá Sion in pajekoon naonda bo gobá, Yerusalem in mobaḻí bontuyungan in apug, bo tombuḷud in Baḷoi Tuhan in mobaḻídon kayuon in bo bonganga.

MARKUS 11:17

Noiduduimai kon tua ki Yesus nobogoi in totundú kon intau mita kon tua. Sia in noguman, “Kon bonu in Buk Motusi ain pinais: Ki Allah in noguman, ‘Baḷoi-Ku in tangoionbí Baḷoi Pososambayangan in bayongan bangusa.’ Táe tanaa in binaḻí bidon monimu pugad in mogogagow!”

LUKAS 21:24

Oyúon in ḻimodon, oyúon doman in diaan saḷaku intau inta dinakop bo pobayá in ḻipu-ḻipúannea; bo intau inta diá mopirisaya momoguyaat kon Yerusalem modapot mopaḷut in wakutu inta sinantú i Tuhan kon i monia.”

YOSUA 10:24

bodongka dinia kon i Yosua. Bo ki Yosua nogoiní kon bayongan intau in Israel noyosipun, bo nomarenta sinbá porwira mita inta sinumakin noparang takinnea in mamangoi moritak kon sindun in datu mita tatua. Porwira mita tatua in namangoi domandon bo noritak kon sindun in datu mita tatua.

WAHYU 11:2

Táe donaaidon ukuron in palas kon dotá in ḷuai Baḷoi i Allah tatua, sin tua in inogoi bidon kon intau mita inta diá nonotaau kon i Tuhan. Mosia in mamangoi morita-ritak mako kon kotá motusi tatua kon bonu in opat nopuḷú bodoyowá nobuḷan.