MAZMUR 74:21 - Alkitab Singog In Mongondow Masa In Tanaa

²¹ Dikadon kaasí pomayá mako in intau dinorot pokopooyáanmai, igumon mako intau mororiga bo nobogá in modayow kon ini-Mu.

MAZMUR 74:21 ပူးပေါင်းရင်းမြစ်များ

EZRA 3:11

Rayat nopodondong in dodayow kon i Tuhan, sindaḷan nopobui-buimai in dondong inta imbuitnea, nanaa, “Ki Tuhan tua in mopia; bo tabi-Nea kon Israel in mononoi.” Bayongan in rayat dinumudui nonggoḷokap bo nodayow kon i Tuhan, sin pondasi in Baḷoi Tuhan in pinoḻitúdon.

MAZMUR 103:6

Ki Tuhan in mopobayá in hukum bo kooadil kon bayongan in intau inta dinorot.

MAZMUR 109:22

Sin akuoi naa in nobogá bo nororiga, bo ginaku in kinekeban nodaḷom.

MAZMUR 12:5

inta moguman, “Kami in mongawasa takin dilá nami! Onukabí motaaubí singogon nami, bo diábí in mokoḷamboi!”

MAZMUR 35:10

Takin ḻimbatú in gina akuoi in moguman, “Tuhan, diábí in motaau popotongkaian kon ini-Mu! Iko in nopoḷuat kon inta moyangkó nongkon i inta moropot, inta nobogá bo nororiga nongkon i inta nondorot kon inia.”

MAZMUR 9:18

Popatoibí in imbuit in intau mita moraat, bangusa mita inta diá nopandungmai kon i Allah.

YESAYA 45:17

Táe Israel in pinosaḷamat i Tuhan; kasaḷamatannea in motantúbí. Moiko in diábí pokopooyáanmai bo singkuḻeon modapot in mononoi.’ ”

YEREMIA 33:11

Táe kon tampat mita tatua in kodongoganbí bui in singog ḷunganga bo pia in gina takin dowawá in ponikaan. Kodongoganbí doman in dondong in intau mita inta nodia kon kuruban sukur kon Baḷoi-Ku. Mosia in mogumanbí, ‘Posukurdon kon i Tuhan Inta Totok in mokawasa, sin mopia in Sia bo tabi-Nea in mononoi.’ Butá tanaa in baḻíon-Kubí mobiag motompia ná dungkuḷ. Akuoi, ki Tuhan, ain noguman.”