MAZMUR 74:20 - Alkitab Singog In Mongondow Masa In Tanaa

²⁰ Toropdon kaasí in dodandian inta pinomia-Mu takin inami, sin intau in nopoaid in inta motogat kon bayongan in tampat mosindip kon butá tanaa.

MAZMUR 74:20 ပူးပေါင်းရင်းမြစ်များ

SAMUEL 2 23:5

Natua doman in buíku binarakatan i Allah, dodandian-Nea kon inakó, diá mobaḷui, dandi-Nea tatua in mononoi bo motompod, notoinut kon bayongan in yagi-yagi. Ki Allah in moḷukad kon kountunganku bo mobogoi kon bayongan inta kinoibogku.

MAZMUR 105:8

Sia in umuranbí mokotorop kon dodandian-Nea, dandi-Nea in mononoibí.

MAZMUR 106:45

Popisí in mosia dá kinotoropan-Nea in dandi-Nea bo nonotabidon kon i monia popisí in tabi-Nea inta moḷoben.

MAZMUR 5:8

Táe popisí in tabi-Mu inta moḷoben, akuoi in motaaubí tumuot kon bonu in Baḷoi-Mu. Dumokó in akuoi tumayow kon Baḷoi-Mu inta motusi, bo sumbáanku in Iko takin ḻimbatú in gina.

MAZMUR 89:28

Baḻíon-Kubí in sia ki adí-Ku ḷoḷaki guya-guyang, inta moiḻiu in ḷantud nongkon bayongan in datu.

MAZMUR 89:39

Táe tanaa in Iko tumorú kon i datu, Iko in noḷumbú bo nondoí kon intau inta piniḻí-Mu.

YEREMIA 14:21

Toropdon in dandi-Mu, dika kaasí poompáan-Mumai in kami; dodandian-Mu takin inami dikabí inggamáan-Mu. Yerusalem in tampat pomomarentaan-Mu inta momulia, dika kaasí poompáan-Mumai.

ULANGAN 12:31

Pososumba in bangusa mita tatua kon ilah mita monia, dikabí dayanan monimu kon mosumba kon i Tuhan Allahmu, sin mosia in mosumba takin momia kon oaid mita inta mokotor inta kinodoí i Tuhan. Nodapot in adí mita monia tontaní tubáan monia kon tudu in mezbah mobaḻí kuruban kon i ilah mita monia.

ULANGAN 9:27

Toropbí in bobantungmu mita ki Abraham, ki Ishak bo ki Yakub, bo dikadon indoianmai in dodia motontogat in gina, raat bo dosa in bangusa tanaa.

IBRANI 8:10

Táe tanaa, naadon in dodandian inta pomiaan-Ku takin umat-Ku Israel, Kon singgai mita moiduduimai, Pirman i Tuhan: Popotonop-Ku in hukum-Ku kon bonu in pikiran monia, bo popopais-Ku domandon kon gina monia. Akuoi in mobaḻí ki Allah monia, bo mosia in mobaḻí umat-Ku.