MAZMUR 74:19 - Alkitab Singog In Mongondow Masa In Tanaa

¹⁹ Dika mopomayá mako in umat-Mu inta diádon mokopongonu moḷabú kon kawasa in musung inta moḻingá. Dikabí modapot in mononoi mokoḻiong kon ukur in umat-Mu inta kinatuḷa.

MAZMUR 74:19 ပူးပေါင်းရင်းမြစ်များ

MAZMUR 10:12

Sindogdon, Tuhan, hukumdon in intau moraat! Toropdon in intau inta iroriga!

MAZMUR 68:10

Morogot totok in uyan pinoangoi-Mu, bo nomobat kon butá-Mu inta noḷogat.

MAZMUR 68:13

“Datu mita takin tontaranea in noḷaguidon!” Mosia in noḷagui naonda bo paḷoma inta iḷumayugdon minayá. Bobay mita kon baḷoi in mosila-silaidon mako kon saḷaka bo buḷawan inta sinaḷáan. Umpaka nobayong in diá dinumudui noparang, umat i Allah in pinountungdon.

MAZMUR 72:2

Igumon mako sia in mohakim kon umat-Mu podudui in hukum, bo mopoaid in inta moadil kon intau inta dinorot.

MAZMUR 9:18

Popatoibí in imbuit in intau mita moraat, bangusa mita inta diá nopandungmai kon i Allah.

DONDONG MOḶANTUD 2:14

O paḷomaku kon sigad in batu, kon pinogadopan kon obaga mita in buḷud inta mosindog, pomayádon mako ontongonku in pogotmu, bo mokodongog kon singogmu, sin pogotmu moḷunat, dondongmu in mopia.

DONDONG MOḶANTUD 4:1

Totuu moḷunat in iko, batoḷ in dodobku, totuu, totuubí kon moḷunat in iko. Matamu noibuni kon koḷubungmu naonda bo paḷoma; buokmu naonda bo paanan in bembé inta mosiḻig kon buḷud mita in Gilead.

DONDONG MOḶANTUD 6:9

táe tongábí tobatú in paḷomaku, inta kino sanangku, adí tuḷong kotabi-tabi i inánea. Mongodeaga mita moindoi bo modayow kon inia, buḷoi mita in datu bo pahang moibog kon inia.

YESAYA 60:8

Onu degá in inta noiḷayug naonda bo goḷom naonda bo paḷoma inta iḷumayug nobui?

ZEPANYA 3:12

Kon tua pomayá-Kudon mako in mogutun in tobatú bangusa inta moompá in dodia, inta mopongata in totuḷung-Ku. Mosia in motaaubí in mogutun kon tua.

MATIUS 10:16

“Tagú totok kon gina in singog-Ku: Akuoi in mopotabá kon i monimu, naonda bo domba dinia kon yua-yuak in serigala. Manangka intua mokopoingat totok naonda bo uḷag bo mokopotuḻid kon gina naonda bo ḷagapan paḷoma.