MAZMUR 74:15 - Alkitab Singog In Mongondow Masa In Tanaa

¹⁵ Iko in nopoiḻig in bokaká bo ongkag; ongkag inta moḷoben iningkagan-Mu.

MAZMUR 74:15 ပူးပေါင်းရင်းမြစ်များ

DATU MITA 2 2:14

bo nopomobak in jubah i Elia tatua kon tubig poḷat noguman, “Kon onda in ki Tuhan, Allah i Elia tatua?” Naonda in pinomobaknea mako in jubah tatua kon tubig in ongkag tatua, nosilai doyowa in tubig tatua bo minayá in sia in ḷoḷan.

DATU MITA 2 2:8

Noḷongkut in ki Elia kon jubahnea, iḻitodnea bo pinomobaknea kon tubig in ongkag tatua. Dá nosilaidon doyowa in tubig in ongkag tatua, dá notaaudon in taya dua i Elisa minaya-mayá kon gantog inta noingkag.

MAZMUR 105:41

Binotak-Nea in buḷud batu, bo noitampurangdon mangoi in tubig inta noiḻig naonda bo ongkag kon padang gurun.

MAZMUR 114:3

Dagat in Gelagah nokoontong kon i-Nia bo noḷagui, Ongkag in Yordan nogogai in noiḻig.

MAZMUR 78:15

Binotak-Nea in buḷud batu kon padang gurun, bo nopoinum kon i monia nodapot in noiḻiu kon noguḻí in rogang.

YESAYA 11:16

Bo kon umat-Nea inta ki agatnea in ogoianbí in daḷan moḷoben sin ḷuaian nongkon Asyur, ná kon tungkuḷ in Israel iḻumuai nongkon Mesir.

YESAYA 44:27

Akuoibí inta noguman kon apad in dagat: Kogiotdon! Moibog in Akuoi monggiot kon ongkagmu mita.

YESAYA 48:21

Kon tungkuḷ in Sia nodia kon i monia nongin butá inta diá in tonsiungnea, mosia in diábí irumogang. Ki Tuhan in nomotak kon buḷud batu bo nopoiḻig in tubig, nongkon batu pinotampurangnea in tubig kon i monia.

HABAKUK 3:9

Puḷu in piot-Mu in sinadia-Mudon, piot-Mu aindon sinadia popopiot. Bo butá in binotak-Mu nobaḻí ongkag mita.

PINOGIAPAN 20:11

Bo ki Musa notonggó kon tungkud tatua bo nomorot kon buḷud batu tatua kodua. Dá noiroputdon magí in tubig norogot totok, dá bayongan intau bo bobiagon nonginumdon kon tua.

YOSUA 2:10

Kinodongogandon nami in habar kon naonda in ki Tuhan nopoingkag kon Dagat in Gelagah kon tayowon monimu, kon tungkuḷ in moiko nonaḷámai kon Mesir. Dinongog domandon nami naonda in pinoḷoḻimod monimu kon i Sihon bo kon i Og, datu doyowa in bangusa Amori tatua kon dotá in pomukaan kon Ongkag in Yordan.

WAHYU 16:12

Onda intua malaekat inggonomnea in nopobutak doman bonu in palonea kon Ongkag Eprat inta moḷoben tatua. Dá ongkag tatua in noingkagdon sahingga datu mita nongkon timur mayádon mongintua.