MAZMUR 74:13 - Alkitab Singog In Mongondow Masa In Tanaa

¹³ Pinongin ropot inta totok in motoyang binotak-Mu in dagat, bo noḷosi kon uḷu in naga mita in dagat.

MAZMUR 74:13 ပူးပေါင်းရင်းမြစ်များ

NEHEMIA 9:11

Sinbá oyúon in bayáan in umat-Mu, dagat binotak-Mu; Pinopoḷoḷan-Mu in mosia nongin gantog in dagat inta modaḷom, naonda bo batu inta noitaḷom kon dagat inta mokoondok.

MAZMUR 66:6

Dagat binaḻí-Nea butá noingkag, mogoguyang nami minaya-mayá in sioḷ in iḷumoḷan kon tua. Dá nopia i gina nami popisí in aid-Nea.

MAZMUR 78:13

Binotak-Nea in dagat, bodongka nopoḷoḷan kon i monia; tubig pinosindog-Nea naonda bo dinimpot.

IḶUAIAN 14:21

Bo ki Musa in notundúdon kon dagat, bo binaḻídon i Tuhan tompot in pomukaan nogirup noropot totok nodapot in tubig in dagat noondir. Tonggobii tua tompot tatua umuran nogirup, bo nomaḷui kon dagat nobaḻí butá inta noingkag.

IḶUAIAN 14:28

Tubig in dagat noyobui bo noḷingkum kon kereta mita, intau mita inta nodia, bo bayongan tontara in Mesir inta nogaḷow kon intau in Israel kon yuak in dagat, dapot in mosia nodait minatoi.

YEHEZKIEL 29:3

Ki Tuhan Inta Totok in moḷantud in nopotabá kon inakó mopotaau kon i datu in koyow tanaa, “Akuoi naa in musungmu, ei bangkeḻé moḷoben inta nosiug mako kon yuak in ongkag. Iko in mongambungangaḷ kainimu in Ongkag in Nil iko in kitogi bo iko in nomia.

YEHEZKIEL 32:2

“Ei intau ilo-ilow, potoingatdon totok kon i datu in Mesir. Potaau in koyow-Ku tanaa kon inia, ‘Iko in tumon naonda bo singa batánea kon sigad in bangusa mita, táe iko in naonda bo bangkeḻé inta mogutun mako kon tubig. Sioḷmu in mokoḷobog bo mokokotor kon bayongan in ongkag.