MAZMUR 73:8 - Alkitab Singog In Mongondow Masa In Tanaa

⁸ Mosia in morebeg bo moposingo-singogmai, bo takin ḷoḷatú mosia in mogogondok bo mondorot.

MAZMUR 73:8 ပူးပေါင်းရင်းမြစ်များ

DATU MITA 2 18:29

‘Dika moibog akaḷan i Hizkia; diábí in sia mokoposaḷamat kon i monimu.

MAZMUR 10:2

Dumodia in intau moraat mondorot kon intau nobogá; pomayádon mako in mosia moibaaḷ kon poyogaḷap monia tontaní.

MAZMUR 17:10

diábí kotaauan monia in motabi bo mododia in mosingog.

YEHEZKIEL 35:13

Ei bangusa in Edom, moambungangaḷ in moiko bo moḷoḷatú in singogmu kon i-Nakó. Dinongog-Ku bidon intua komintan.

HOSEA 7:16

Mosia in umuran bidon dumudui kon dewa mita inta beresibí diá in kawasa onu bo onu. Mosia in diábí motaau pongata naonda bo piot inta nopupud. Itoi mita monia in dumodia in mosingog, tuamai in ḻimodonbí in mosia in kedang, bo kosingan in intau mita in Mesir.”

PETRUS 2 2:10

torutama intau mita inta tantú dinumudui kon ibog in awak monia inta mokotor bo inta moningkuḻe kon kawasa i Allah. Ná domai tua in kobobarani monia bo koḷoḷatú in intau mita inta mongaku guru mita tatua, sahingga in diábí moondo-ondok in mosia moningkuḻe kon mahaḷuk mita in soroga inta momulia!

PETRUS 2 2:18

Mosia in umuran mopodandi in uboḷ mita bo inta diá baraguna. Ibog monia inta mokotor totok tatua pinaké monia mopoyaying kon i monia inta bagupa nopirisaya kon i Tuhan.

YUDAS 1:16

Intau mita tatua in umuran mongunsingog bo mopotaḷá kon intau mita ibanea. Mosia in mobiag podudui in ibog monia inta baradosa naa. Mosia in mongonguman kon moḷantud soaḷ kaadaan monia tontaní, bo umuran umapid mako kon intau sinbá mokouḻí kon kauntungan.

SAMUEL 1 13:19

Kon Israel diábí in mononontaḷ, sin intau in Pilistin diá mobogoi kon intau in Ibrani monontaḷ kon pitow bo pandong.