MAZMUR 73:27 - Alkitab Singog In Mongondow Masa In Tanaa

²⁷ Intau inta monaḷámai kon ini-Mu in moboditobí, Iyopú-Mu in intau inta diá motoḷutui kon ini-Mu.

MAZMUR 73:27 ပူးပေါင်းရင်းမြစ်များ

TAWARIKH 1 10:13

Ki Saul in minatoi popisí in diá in sia mosatia kon i Tuhan, bo diá doman dinumudui kon parenta-Nea mita. Diábí in sia nopoigum in topotundú mita nongkon i Tuhan, táe nopoigumbí kon dimukud mita in intau mita inta ain minatoi. Tuamai in ki Tuhan nohukum kon inia bo noposarakan in tampat pomomarentaannea kon i Daud adí i Isai.

ESTER 9:30

Surat tatua in pinoki dia kon bayongan in intau in Yahudi, bo salinannea mita in pinoki dia kon 127 in propinsi in dodatuan Persia. Surat tatua in sinakinan in sambayang sinbá intau in Yahudi umuran mobiag motompia bo moaman.

MAZMUR 106:39

Popisí in aid mita monia tatua dá mosia in nonajisdon, bo diá notoḷutui kon i Allah.

MAZMUR 119:155

Intau moraat in diábí posaḷamaton, popisí in diá dinumudui kon atorang-Mu.

IḶUAIAN 34:15

Dika momia kon dodandian takin bangusa kon butá tatua, sin kon dodai in mosia mosumba bo moposumba in kuruban kon ilah mita monia, mosia in monongganutbí kon i monimu, bo moiko in dumuduibí.

YESAYA 29:13

Ki Tuhan in noguman, “Intau mita tatua in tongábí mosumba kon i-Nakó pongin tosingogon, táe gina monia in moyayúbí kon i-Nakó. Agama monia in tongábí atorang in intau inta ihapal.

YEREMIA 12:2

Pinomuḷa-Mu in mosia naonda bo mobobiag mita, bo mosia in monguakat, mobiag, bo momungai. Mosia in umuranbí mosingog kon inta mongopia soaḷ Iko, táe kon bonu in gina, sabanarnea in mosia in diábí in pandungnea kon ini-Mu.

YEREMIA 17:13

Tuhan, Ikobí in inandoḷan in Israel, umat-Mu; Bayongan inta nonaḷámai kon ini-Mu in mooyábí. Mosia in moinggamábí nongkon dunia naa bo mayá in dunia in intau minatoi. Sin, Iko in bokaká in tubig kobiagan in sinaḷáandon monia, o Tuhan.

PINOGIAPAN 15:39

Ḷambe-ḷambé mita in nobaḻí tompoingat: Pomuḷoi in moiko mokoontong kon tua, kotoropan monimu in bayongan parenta-Ku bo dumudui. Bo popisí intua diábí in moiko mokoḻiong kon i-Nakó sin dumudui kon ibogmu tontaní.

EPESUS 2:13

Táe masa in naa, popisí in moiko bo ain notobatú i Kristus Yesus, dá moiko inta noyayú in koḻipod, aindon pinopodiug sin ki Kristus ain minatoi kon i monimu.

EPESUS 2:17

Manangka intua ki Kristus in namangoi bo nopotaau in Habar Mopia soaḷ dodamean tatua kon i monimu; pinomayá moiko intau inta deeman Yahudi inta koḻipod noyayú kon i Allah, ande intau mita in Yahudi inta nodiug kon i Allah.

YAKOBUS 4:4

Moiko nion in intau inta diá mosatia! Diá kinotaauan monimu degá kon aka moiko moyobayat in dunia naa, yo moiko in mobaḻí saturu i Allah! Dá ki ine in moibog mobaḻí yobayat in dunia naa, yo mangaḻenea kon tua, baḻíonnea in sia saturu i Allah.