MAZMUR 73:24 - Alkitab Singog In Mongondow Masa In Tanaa

²⁴ Kinapit-Mu in akuoi in tonggina, bo sinarima-Mu in akuoi takin horomat kon singgai moiduduimai.

MAZMUR 73:24 ပူးပေါင်းရင်းမြစ်များ

MAZMUR 16:7

Akuoi in modayow kon i Tuhan inta nononggina kon inakó; kon dodai in doḷom ginaku mobogoi in totundú kon inakó.

MAZMUR 25:9

Ki Tuhan in mokapit kon intau inta moompá in gina, bo motundú kon i monia onu in kinoibog-Nea.

MAZMUR 32:8

Guman i Tuhan, “Akuoi in motundúbí kon daḷan inta musti bayáanmu, iko in kapiton-Kubí bo tongginaan-Ku.

MAZMUR 48:14

Taridiai in dindingnea, pirikisadon in bentengnea, sinbá motaau in moiko mongonguman kon buímu:

MAZMUR 49:15

Naonda bo domba, mosia in sinantúbí kon matoi; popatoi in mobaḻí gombala monia. Doḷo-doḷom mosia sinaḷowdon in intau mojujur; awak monia in ḷagidon mobongkog kon dunia in intau minatoi, noyayú kon pogogutunan inta mopia totok.

MAZMUR 84:11

Mopia-piabí kon tosinggai in kon Baḷoi-Mu dika in toribu nosinggai kon tampat ibanea. Piniḻíku in mobaḻí moḷoḷukad kon ngara in Baḷoi i Allahku dika in mogutun kon baḷoi in intau moraat.

AMSAL 8:20

Akuoi in dinumudui kon daḷan inta moadil, bo akuoi in nongin daḷan inta moitutui.

YESAYA 30:21

Aka moiko bo tumabat nongkon daḷan, kon tumimu kodongogan in singog-Nea inta moguman, “Naa in daḷannea; pongin daḷan tanaa.”

YESAYA 48:17

Guman i Allah mokudus in Israel, Mopoposaḷamatmu, “Akuoibí in ki Tuhan Allahmu, inta notundú kon inimu onu in baraguna kon inimu, bo nodia kon inimu mongin daḷan inta musti bayáanmu.

YESAYA 58:11

Akuoi in umuranbí mokapit kon i monimu bo mopobotug kon i monimu kon butá inta noingkag; Akuoi in moḷukadbí kon i monimu sinbá umuran mosehat bo moropot. Moiko in nádon onda bo taman inta tugat in tubignea, naonda bo bokaká inta diá mogio-giot.

YESAYA 58:8

Dá bayag in monimbayagdon kon inimu naonda bo modiug mobayag, bo kekebmu mita in ḷagidon mopia. Akuoi in moyotakinmubí sin moposaḷamat kon i monimu. Koangoian-Ku in mogoḻiungbí kon i monimu nongkon bayongan in tampat.

PINOGIAPAN 9:22

Kon bonu in goḷom tatua kon tombutungpa in Ḷoḷaigan i Tuhan, pinomayá doyowa nosinggai, tobuḷan, totaong, andeka moiḻiu, dá natua doman in koonggotnea in mosia mogutun kon tampat tatua. Aka goḷom tatua mamonik, bain tua mosia bo mobuat.

LUKAS 11:13

Dá aka moiko inta moraat bo motaau mobogoi kon inta mopia kon i adímu mita, yo bambíkabí ki Amámu inta kon soroga! Sia in mobogoibí in Roho-Nea kon i monia inta umuran moigum kon i-Nia!”

LUKAS 23:46

Bo ki Yesus in nomaḷú noropot totok, kai-Nia, “Amá! Kon bonu in kawasa-Mu, posarakan-Kudon in nyawa-Ku.” Nosingog mako natua in Sia minatoidon.

YOHANES 14:3

Naonda in Akuoi mayádon moposadia in tampat kon i monimu, Akuoi in buibí mamangoi monontomu kon i monimu, sinbá kon onda in Akuoi, kon tua doman i moiko.

YOHANES 16:13

Táe aka Roho tatua mamangoi, ki Inta moponiata in kobobanar soaḷ ki Allah, yo diaan-Neabí in moiko bo tundúon monotaau kon bayongan kobobanar tatua. Sin Sia in diábí mosingog podudui in ibog-Nea tontaní, táe mogumanbí kon onu in dinongog-Nea, bo poguman-Neabí kon inimu onu in mobaḻí kon singgai moiduduimai.

YOHANES 17:24

Amá, ibogon-Ku, sinbá mosia inta ain inogoi i Amá kon i-Nakó in moyotakin-Ku doman kon tampat inta bayáan-Ku, sinbá koontongandon monia in kamuliaan-Ku, inta ain inogoi i Amá kon i-Nakó. Sin Akuoi in kinotabi i Amá kon wakutu in dunia naa diápa pinomia.

YOHANES 17:5

Amá! Pomuliadon in Akuoi in tanaa mako kon tayowon-Mu, takin kamuliaan inta kon i-Nakó wakutu in noyotakin i Amá kon dodai in dunia naa diápa binaḻí.

OUMAN IN RASUL MITA 7:59

Koyogot monia anduron batu, ki Stepanus in nosambayang nanaa, “Tuhan Yesus, tarimadon in rohoku!”

KORINTUS 2 5:1

Sin kinotaauanbí nami kon aka baḷoi – makusudnea awak naton – inta pinogutunan naton kon dunia naa bo rumbunon, yo posadiaanbí i Allah in kita kon baḷoi inta kon soroga. Tampat inta pinomia i Allah tontaní bo inta diá mogogu-goguyaat.

ULANGAN 18:2

Mosia in diábí motaau kobutá ná suku mita ibanea, sin ki Tuhanbí in nobaḻí silai budel monia, ná inta pinodandi i Tuhan kon i monia.

YAKOBUS 1:5

Aka oyúon in kon sigad monimu in diápa totok mobijaksana; yo musti mopoigum kon i Allah, dá ogoianbí i Allah in kabijaksanaan in sia. Sin takinbí pia in gina bo tabi in ki Allah in mobogoi kon batúan in intau.