MAZMUR 72:19 - Alkitab Singog In Mongondow Masa In Tanaa

¹⁹ Dinayo-dayowdon in tangoi-Nea inta moḷantud dapot in mononoi; igumon mako sinangkub in butá mopuḻing in kamuliaan-Nea! Natuadon in mobaḻí. Amin!

MAZMUR 72:19 ပူးပေါင်းရင်းမြစ်များ

DATU MITA IMITÁNEA 1:36

“Mopia, Inta Momulia,” tubag i Benaya, “igumon mako ki Tuhan, Allah i tuang datu, moginrigon kon parenta i tuang datu tua.

NEHEMIA 9:5

Ibada kon singgai tua in pinangkoi in intau mita in Lewi inta noiduduimai naa: ki Yesua, ki Kadmiel, ki Bani, ki Hasabneya, ki Serebya, ki Hodia, ki Sebanya bo ki Petahya. Mosia in noguman, “Sindog bo dayowdon in ki Tuhan Allah naton! Podayowdon kon i-Nia modapot in mononoi! Dinayo-dayowdon in tangoi-Nea inta nopuḻing in kamuliaan, tangoi inta motoyang, noiḻiu kon bayongan dodayow!”

MAZMUR 41:13

Iko in motuḷung kon inakó popisí in ginaku motuḻid, bo binaḻí-Mu in akuoi nobiag moyotakin-Mu modapot in mononoi.

MAZMUR 89:52

Musung-Mu mita in noningkuḻe kon datu inta piniḻí-Mu, o Tuhan, norebeg kon inia kon ondakabí in bayáannea.

YESAYA 11:9

Kon Sion, Buḷud Motusi i Allah, diábí in moraat andeka momoguyaat. Dunia naa in mopuḻingbí in sinotaau soaḷ ki Allah, naonda bo tubig momuḻing kon dagat.

YESAYA 6:3

Mosia in nosigumanan tobatú bo tobatú: “Kudus, kudus, kudus. Mokudusdon in ki Tuhan Inta Totok in mokawasa. Butá nopuḻing in kinoangoian-Nea inta momulia.”

YEREMIA 28:6

“Mopia! Igumon mako toḻindapmu tua in moniata, bo ki Tuhan in totu-totuu modiadon bui mangoi nongkon Babel in pakakat mita in Baḷoi Tuhan takin bayongan intau inta ain iḷumbú kon tua.

HABAKUK 2:14

Táe naonda bo dagat inta nopuḻing in tubig, yo natua doman in butá in mopuḻingbí in sinotaau soaḷ ki Tuhan bo kawasa-Nea.

ZAKHARIA 14:9

Dá ki Tuhan in momarenta saḷaku datu kon sinangkub in butá; pomuḷoi in intau in mosumbabí kon i-Nia saḷaku ki Allah bo monotaau kon i-Nia takin tangoi inta notongkai intua.

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

PINOGIAPAN 14:21

Táe Akuoi modandi podoyon kon tangoi-Ku tontaní bo podoyon-Ku kon i-Nakó inta nobiag bo inta nongawasa kon dunia naa,

PINOGIAPAN 5:22

Tubig inta mokopoangoi kon butung tanaa in tumuot kon sianmu bo mokobunsit kon sian bo mokointok kon paamu.” Bobay tatua musti motubag, “Moibog in akuoi; Igumon mako ki Tuhan momia kon natua.”

MATIUS 6:10

Ikobí in Datu nami. Igumon mako Iko in momarenta kon dunia naa, bo inta koibog-Mu in duduian naonda bo kon soroga.

MATIUS 6:13

Donaaidon pomayá mako in kami kobuḻian in pirisaya kon dodai in kami koantugan in totungkuḷ, táe pilataidon in kami nongkon kawasa i inta Moraat! [Sin Ikobí in Datu inta mokawasa bo momulia dapot in mononoi. Amin.]’

WAHYU 1:18

Akuoi naa in Sia inta nobiag tua! Akuoi ain minatoi, táe indoiaika, Akuoi in nobiagbí bo diá bidon mato-matoi. Popatoi bo dunia in intau minatoi kon bonu bidon in kawasa-Ku.

WAHYU 22:20

Sia inta nopoyaput in koyow mita tanaa in noguman, “Totuu, Akuoi in ḷagi bidon mamangoi!” Amin! Angoidon oo Tuhan Yesus!

WAHYU 5:13

Bo akuoi in nokodongog kon bayongan in mahaḷuk kon ḷangit, kon butá, kon ḻimonag in butá; kon bonu in dagat--singog mopoḷok mako bayongandon mahaḷuk kon dunia naa, nodondong nanaa, “Sia inta iḻimitú kon tampat pomomarentaan tatua bo ki Adí in Domba tatua, mosia tuata inta popoyaputan in bayongan dodayow, horomat, poḷantudon bo mokawasa modapot in mononoi!”